Tuesday, November 10, 2020

පිනට ඉන්ජෙක්ෂන් ගැසීම හෙවත් ගිලන්පස පූජාව

ලෝක සෞඛ්‍ය සංවිධානයේ වියදමින් ලංකාවේ මහජනතාවගෙන් පහෙන් එකකට කාවිද රෝගය සඳහා එන්නත් ලබා දීමට යන බවට අද (නොවැ 9) පුවත් පල විය. මෙහි සත්‍යාසත්‍යතාවය කෙසේ වෙතත් මාධ්‍ය මගින් ප්‍රසිද්ධ කෙරුණු නිවේදනය පහත දැක්වේ.
ගිලන්පස පූජා

මේ රෝගය රෝගයක්මද යන්න ගැනත්, ඒ රෝගය නිර්ණය කරන ක්‍රමය ගැනත් විශ්වාසයක් නැති බව අප සඳහන් කර වැඩි දිනක් ගත වූයේ නැත. දැන් අමුතුවෙන් සඳහන් කළ යුතු එකම දෙය වන්නේ මේ දෙනවාය කියන එන්නත ගැනත් අපගේ කිසි විශ්වාසයක් නැති බවයි.

පෙර ලිපියේ අප සඳහන් කළ එක ඡේදයක් මෙහිදී නැවත දක්වමි.
රෝග ලක්‍ෂණ සමූහයකට බය හිතෙන නමක් දෙයි; ඊට පසු ජනමාධ්‍ය කාරිය කරවන රාළලා බවට පත් වෙයි. මහජනයා බියපත් වේ, ආණ්ඩු වික්‍ෂිප්ත වේ, බිල් ගේට්ස් වැනි ධන කුවේරයෝ අප වැනි සොච්චම් රටවල් එක්කෝ test lab බවට පත් කර ගනී, නැතිනම් වෙනත් කොන්දේසි දහසක් සමග වෛද්‍ය ආධාර ප්‍රදානය කරයි. පසුගිය දා නෑගම් ආ පොම්පි මාමා වෙන්ටිලේටර සිය ගණනක් දී ගියේ නැද්ද (ඒවායේ වියදම ඇමරිකානු බදු ගෙවන්නන්ගෙනි - ආදායම ඒවා නිෂ්පාදනය කළ, එරට ආණ්ඩුව සමග සම්බන්ධතා ඇති ධන කුවෙරයන්ටය)? කෙසේ වුවත් අවසානයේ වාසිය ගන්නේ කොහෙවත් යන පර බල්ලෙකි. අප මේවාට අසු වී රටේ දෛනික පැවැත්ම කඩාකප්පල් කර ගත යුතුද? නැත. බ්‍රැන්ඩික්‍ෂ් මුදලාලි කළ දේ වැරැද්දක් නොකියමි. ඔහුගේ කිසි සේවිකාවක් මෙකී රෝගයෙන් මළේ නැත.
මේ ගැන කිව යුතු සියල්ල ඉහත යටින් ඉරක් ගැසූ එක වාක්‍යාංශයකින් පවසා තිබේ. ඉඳින් මේ ගැන තවදුරටත් කිව යුතුව තිබෙන්නේ එක දෙයකි; කොහොමත් හොඳ දේ බෙදන හැන්ද අතේ තබාගෙන සිටින අයම ඒ එන්නත් ලක්‍ෂ හතළිහත් (රටේ ජනගහනය කෝටි දෙකකැයි සැළකීමෙන්) ගසා ගත්තාවේ. අපට බලෙන් (ජීවත් වන පළාත පදනම් කරගෙන, වයස පදනම් කරගෙන ආදී වශයෙන්) දෙන හෙවත් ස්ව-කැමැත්ත පදනම් කර නොගෙන දෙන එන්නත් අවශ්‍ය නැත. එසේම එවැනි එන්නතක් ලබා ගන්නා අයගෙන් මිස ලබා නොගන්නා අයගෙන් මෙහි වියදම අය කර ගැනීමටත් අප විරුද්ධය. WHO එක හෝ ඊට අනුග්‍රහ දක්වන ප්‍රකෝටිපති දානපති මහතුන් බෙහෙත නොමිලේ දෙන්නේ වී නමුත් ඒවායේ ප්‍රවාහන වියදම්, ගබඩා කර තැබීමේ වියදම්, එන්නත් කිරීමේ වියදම් බදු ගෙවන්නන්ගේ මුදලින් වැය නොවන බව කිව හැකිද ? මෙවැනි එන්නතක තිබිය හැකි අතුරු ආබාධ ගැන වග කියන්නේ කවුද ? අතුරු ආබාධ පැයකින් දෙකකින් නොඑන බවත් සිහියේ තබා ගමු.



ඊටත් වඩා වැදගත් කතාවක් අද දෙරණ biz විසින් වාර්තා කළේය.



Sunday, November 8, 2020

කාවිද රෝගය

පසුගිය බ්‍රහස්පතින්දා බස්නාහිර පළාතට පැනවූ ඇඳිරි නීතිය සඳුදා ඉවත් කිරීමට යන බව කියැවෙයි. මෙය කතාවම ගිය සඳුදා ගැනත් මෙලෙසින්ම කියැවුණු බැවිනුත්, මහජනතාව අවසන් ප්‍රතිඵලය දන්නා බැවිනුත් ඒ ගැන වචන නාස්ති නොකරමි. මෙසේ හිතුමතේ (පිස්සුවෙන් වගේ) පනවන ඇඳිරි නීති වලින් බංකොලොත් ලිඳේ මුවවිටේ (ගැට්ටේ) කරක් ගාන ආණ්ඩුවට දඩ මුදල් අය කර දී සහනයක් වීම හැර වෙන යහපතක් ඇත්දැයි ඇත්තේ විමතියකි.

මුලින් ඇඳිරි නීති පණවන විට සඳුදා ඉවත් කරන බව ප්‍රකාශයට පත් කළේ නම් ආණ්ඩුව එසේ කළ යුතුව තිබිණි. එසේ නැතිව කණා-බල්ලන් ගැසීමෙන් ආණ්ඩුවේ ප්‍රතිරූපයට වන්නේ අයහපතකි. ලඟදී මැතිවරණයක් නැති වීම වෙනම කතාවකි.



Saturday, October 31, 2020

පොම්පෙඕ ආවෝ !

පොම්පෙඕ ගියෝ !

Michael Richard Pompeo: an American politician, diplomat, businessman, and attorney who, since April 2018, has serving as United States Secretary of State.
මයික් පොම්පියෝ මහතා

Thursday, September 3, 2020

මිළින්ද ප්‍රශ්ණය සහ හුදී ජනයා





ඒ ජනාධිපති රාජපක්‍ෂගේ fb පිටුවෙන් උපුටා ගත්තකි. එහි වැඩි දුරටත් මෙසේ දැක්වේ.

"මෑතකදී මා ප්රමුඛ රජය විසින් කරන ලද යම් යම් පත්වීම්වලට විරුද්ධව විවිධ බලපෑම් ඉදිරිපත් වෙමින් පවතී. මේ පත්වීම් සියල්ල සිදු කරන ලද්දේ, අප රටේ ස්වෛරීත්වය, ජාතික ආරක්ෂාව මෙන්ම සෞභාග්යයේ දැක්ම ප්රතිපත්ති ප්රකාශය ක්රියාත්මක කිරීම වැනි ඉතා සුවිශේෂී කරුණු සලකා බලමිනි. එමෙන්ම, පත්වූ පුද්ගලයන්ගේ ජාති හිතෛෂිබව, සුදුසුකම් සහ පසුබිම පරීක්ෂා කොට අවස්ථාවෝචිත පරිදි රජයේ ප්රතිපත්ති සාර්ථකව ඉදිරියට ගෙන යාමට හැකි ආකාරයට පත්වීම් කර ඇති බැව් මම අවධාරණය කරමි.

ගැඹුරින් සිතා බලා කරන ලද පත්වීම් වෙනස් කොට, විවිධ බලපෑම් නිසා වෙනත් අය ඒ සඳහා යෙදවීමට කිසිදු අපේක්ෂාවක් මා තුළ නොමැත. එබැවින් යම් පත්වීමකට විරුද්ධව එය වෙනස් කරන ලෙස තමන්ට හෝ රජයට බලපෑම් නොකරන ලෙස මම සියලුදෙනාගෙන්ම කාරුණිකව ඉල්ලා සිටිමි.

පත්වීම්වලට විරුද්ධව අදහස්, උදහස් පළ කිරීමෙන් එසේ තෝරා පත් කරගත් පුද්ගලයින්ට භාර දෙන ලද කාර්යය හා කර්තව්යය නිසි පරිදි ඉටු කිරීමට නොහැකි වනවා පමණක් නොව, සමාජය තුළ එම පුද්ගලයින් අවතක්සේරුවකට ලක්වීමෙන් රජය ගෙන යන වැඩපිළිවෙළ ද දුර්වල වනු ඇත."


මේ නිවේදනය නිකුත් කිරීමට හේතු වන්නේ නව රජයේ කැබිනට් මණ්ඩලය පත් කිරීමේ සිට පහළට මෙතෙක් කෙරුණු යම් යම් පත් කිරීම් ය; එසේ නැතිනම් පත් නොකිරීම් ය.



ලංකාවේ දෙවැනියට වැඩිම මනාප ලැබූ සරත් වීරසේකර මන්ත්‍රීවරයාට රාජ්‍ය අමාත්‍යධුරයක් පමණක් ලබා දීමත් අග්‍රාමාත්‍යවරයාගේ පුත්‍රයාට කැබිනට් අමාත්‍යධුරයක් ලබා දීමත් එකකි. කිසි මනාපයක් නැතිවත් ජනාධිපතිවරයාගේ නඩු වලට (නොමිලේ?) පෙනී සිටීම පමණක් හේතුවෙන්, පත් කළ මන්ත්‍රී මොහොමඩ් අලි මහතාට බලවත් කැබිනට් ඇමති ධුරයක් වන අධිකරණ ඇමති ධුරය ලබා දීමත් තවත් හේතුවකි. කුමන්ත්‍රණ පිළිබඳ විශාරද විමල් විරවංශ මහතාට අනුව ජනාධිපති ලේකම් වරුන් අතරත් CIA කුමන්ත්‍රණ කරුවන් සිටී; ඔවුන් පැත්තකින් තබමු, ජනාධිපති ලේකම් වරයාත් විමල් විරවංශ මහතාට අනුව ආර්ථික ඝාතකයෙකි. පසුගිය මැයි මාසයේ කුප්‍රකට පඩි-බාගේ ගොන් කතාව කීමෙන් පසුව මෙතෙක් ඔහු කළ කී දෑ අනුව විමල් විරවංශ හරි යැයි අපට සිතෙන්නට ඉඩ තිබේ. මිළින්ද ප්‍රශ්ණය පැණ නගින්නේ මේ අතර ය.

දැන් ජනාධිපති මෙකී සකලවිධ පත් කිරීම් පිළිබඳවම නිල වශයෙන්ම නිවේදනයක් නිකුත් කර තිබේ. මේ නිවේදනයේ හරය වන්නේ "දැන් කට වහගෙන හිටපල්ලා" යන්නය. පුඤ්චි බණ්ඩා ජයසුන්දර මහතා දෙරණ නාලිකාවේ පෙනී සිටිමින් දිල්කා සමන්මලී සමග කළ සංවාදය අනුව පැහැදිළි එක දෙයක් නම් මහජනතාව දැන් 'දෙන දෙයක් කා බී වෙන දෙයක් බලාගෙන සිටීමට' හිත හදාගෙන සිටින බවට පූර්ව නිගමනයක ආණ්ඩුව සිටින බවයි.

ශ්‍රී ලංකා ප්‍රජාතාන්ත්‍රික සමාජවාදී ජනරජයේ ගරු ජනාධිපති නන්දසේන ගෝඨාභය රාජපක්‍ෂගේ ඉහත නිවේදනය හේතුවෙන් මිළින්ද ප්‍රශ්නය කතා කිරීමේ අදහස අතහැර දැමීමට අපට සිදු වෙයි, ඒ ගැන ගැටළුවක් නැත. නමුත් තවත් නිවේදනයක් මේ දින වලම ප්‍රචාරය විය. එහි හරය තමන් රාජ්‍ය උත්සව වලට මිස මගුල් ගෙවල්, කොටහළු ගෙවල්, පාටි වලට, කඨින පිංකම් වැනි පෞද්ගලික උත්සව වලට නොපැමිණෙන බවත් ඒවාට ආරාධනා නොකළ යුතු බවත් ය.

මෙහි හොඳ පැත්තක් ද ඇත. අප ඡන්දය දී ජනාධිපති කෙනෙක් පත් කර ගන්නේ අනුන්ගේ මගුල් වලට අස්සන් කරන්නට නොවේ. නමුත් එහි නරක පැත්තක් ද ඇත. ජනාධිපති ඉහත උපුටා දැක්වූ පළමු නිවේදනයෙන් කියන්නේ තමන් කළ පත් කිරීම් කාගේවත් බලපෑම් වලට වෙනස් නොකරන බවය. එනම් ඔහුගේ තීරණ ගැනීමේ සහායක කල්ලිය ඔවුන් බවය. රනිල්ගේ තුම්මුල්ලේ ඉස්කෝලේ ආදී ශිෂ්‍ය සංගමය මෙනි. අනෙක් පැත්තෙන් අර නොයනවාය කියන "පෞද්ගලික" අවස්ථා ඔහුගේ සහචර කල්ලියේ නොවන අයට (මේ අප වැනි සාමාන්‍ය ජනයා නොවීම වෙනම කතාවකි) ඔහු වෙත සමීප වී තමන්ගේ අදහස් ඉදිරිපත් කිරීමට ඇති අවස්ථා අහිමි කිරීමකි. මේ තමන් විසින්ම තනා ගත් සිර කූඩුවක තමන් විසින්ම වැටීමකි. රත්තරනින් තැනුවත් සිර කූඩුව නම් සිර කූඩුවම වෙයි. මේ එතරම් හොඳ දෙයක් නොවේ.



ලංකා ඉතිහාසයේ සඳහන් වන වඩාත් ධාර්මිකම රජතුමා කවුදැයි ඇසුවොත් ඊට සෘජු පිළිතුර එළාර නම් වෙයි; වෙනත් පිළිතුරු නැත. ඔහු ධාර්මික යැයි කියැවෙන්නේ ඒ රජතුමා විසින් නීතිය සැමට සමානව ක්‍රියාවේ යෙදැවූ බැවිනුත් රටවැසි තිරිසනෙකුට වුව (මෙය අතිශයෝක්තියක් විය හැක - එසේ වුවත් ගින්නක් නැතිව දුමක් නොනගී) රජු වෙත කෙළින්ම පැමිණ පැමිණිලි කිරීමේ යාන්ත්‍රණයක් තිබීමත්, එයින් සාධාරණය ඉටු වන සහ එසේ වන බව මහජනතාවට පෙනී ගිය බැවිනුත් නිසා මිස ඊනියා ධර්ම යුද්ධය යැයි නම් කර මිණී මරණ යුධ කළ බැවින් වත් සත්‍ය ක්‍රියා කර වැසි වැස්සවූ බැවින් වත් නොවේ.

වර්තමාන ගෝඨාභය රජතුමා තෝරා ගෙන තිබෙන්නේ මෙහි අනෙක් පැත්තයි. ආනවිළුන්දාව ඩෝසර් කරන්නේ යැයි කී විට ඔහු කරන්නේ හොරාගේ ඡන්ද ප්‍රතිග්රාහකයාගෙන් ඒ ගැන ඇසීමයි; සිංහරාජය කපන්නේ යැයි කී විට ඔහු කරන්නේ කැලය කපන්නට බලපෑම් කළවුන් සමග මාධ්‍ය ඉදිරියේ සංවාදයේ යෙදීමයි. පත් කිරීම් විවේචනය කළ විට දැක්වූ ප්‍රතිචාරය ඉහත දැක්විණ.

මේ යන පාර නම් මහළු වේදේහ රාජයා සේනක පුක්කුසාදී පඬි වරුන් සමග ගිය ගමනයි. වේදේහ රාජයාට තමන් ගැන අවබෝධයක් සහ තමන්ගේ පණ්ඩිතයන්ගේ තරම ගැන අවබෝධයක් තිබූ නිසා ළදරු මහෞෂධ පණ්ඩිතයන් සොයා ගැනීමට හැකි විය. එහි ප්‍රතිඵලය අටළොස් අක්ෂෞහිනියක් මහා සතුරු සේනාව විසින් වට කළේ වුවත් මියුළු නුවර ලේ බිඳකුදු නොසොල්වා ගළවා ගත හැකි වීමයි. ගෝඨාභය රාජයාට තමන් ගැනත් තමන් වටකොට සිටින ළාමක-පණ්ඩිතයන් ගැනත් හරි හමන් තක්සේරුවක් තිබේද ?




ප.ලි: 19 සහමුළින් අහෝසි කරණු මිස කෑලි කෑලි අහෝසි කළ යුතු නැත. එසේ කිරීමේදී:
  • ජනාධිපති ධුර කාලය අවුරුදු 5 සිට 6 දක්වා වැඩි වේනම් එය අවුලක් නොවේ. ඊට අකමැතිනම් මේ ධුර කාලයට පමණක් බලපාන අන්තර්කාලින විධිවිධානයක් සළසා ලිය හැක. එසේ නැතත් ජනාධිපති කැමතිනම් අවුරුදු හතරෙනුත් ජනාධිපතිවරණයක් තැබිය හැක.
  • ද්විත්ව පුරවැසියන්ට මන්ත්‍රීධුරයට නුසුදුස්සන් කිරීම 19 යේ යහපත් ප්‍රතිපාදනයකි. එසේ වුවත් එය ඉතුරු කරගෙන 19 අහෝසි කළ යුතු නැත. 19 අහෝසි කර එය පසුව ගෙනෙන ව්‍යවස්ථාවක ඇතුල් කළ හැක.
  • තොරතුරු දැන ගැනීම මූලික අයිතියක් කිරීම මෙතෙක් පට්ටා ගැසූ 19 හොඳකි. එය විදෙස් අරමුදල් ලබන නොරාජ්‍ය සංවිධාන වලට මිස අප වැනි හුදියන්ට වැඩක් නැත. ඒ නිසා ඒවා රැක ගැනීමට එතරම් වද විය යුතු නැත. කොහොමත් කොළේ වසා ගැසීමට දක්‍ෂ රනිල් වික්‍රමසිංහ තොරතුරු දැන ගැනීමේ පනත නමින් ගෙන ආවේ තොරතුරු වසන් කිරීමේ පනතකි. ඒ නිසා මේ ප්‍රතිපාදන එතරම් වැඩක් ද නැත.
  • මහජනතාවට තමන්ගේ පරමාධිපත්‍ය බලය සෘජුවම ක්‍රියාත්මක කිරීමේ අවස්ථාව සැළසෙන ජනමත විචාරණය 19 වන සංශෝධනයෙන් පාර්ලිමේන්තුවට යට කොට ඇත. මේ තනි හේතුව නිසාම 19 වන සංශෝධනය ආණ්ඩුක්‍රම ව්‍යවස්ථා විරෝධී ය. එය කිසිදු සළකා බැලීමකට යටත් නොකර විසි කර දැමිය යුතුය.
  • මහජනතාව විසින් ජනාධිපතිවරණයකදී තනි පුද්ගලයෙක් වෙත පවරා දෙන පරමාධිපත්‍ය බලයේ විධායක සංරචකය ආණ්ඩුක්‍රම ව්‍යවස්ථා සභාව නම් නොරාජ්‍ය සංවිධාන බැලයන් බලය හසුරුවන කෝලම් මඩුවකට පවරා දීම පාතාල ගේමකි. මෙය කළ සුමන්තිරම්-ජයම්පති බාන හැංගූ ආයුධ සොයන්නට රැගෙන යා යුතුව තිබේ. මේ ඊනියා සභාව අහෝසි කිරීම පළාත් සභා අහෝසි කිරීමට පමණක් දෙවැනි වන ජාතික සේවයකි.
තුනෙන් දෙක තිබෙන කෙටි කාලයේ අප නම් ආණ්ඩුවෙන් බලාපොරොත්තු වන්නේ වැඩ දෙකක් පමණෙකි. එකක් කරන්නටයි; අනෙක නොකරන්නටයි.
  • 19 වන ව්‍යවස්ථා සංශෝධනය සහමුළින් අහෝසි කර 2015 දී සිරිසේන ජනාධිපති ධුරයට පත් වන විට පැවති තත්වයට ව්‍යවස්ථාව පත් කිරීම. (මේ වාක්‍ය දෙකක යෝජනාවකින් කළ හැක.)
  • කූටෝපායන් ගේ කෙළ පැමිණි රනිල් වික්‍රමසිංහ විසින් අහෝසි කර දමන්නට යෙදුණු පළාත් සභා මැතිවරණ ඔහුම නැවත බලයට පැමිණ තැබුවොත් මිස නොපැවැත්වීම (කිසිවක් නොකර සිටීමෙන් සහ ඉන්දියාවට අනවශ්‍ය පොරොන්දු නොදී සිටීමෙන් මෙය ඉබේම ඉටු වේ) සහ ව්‍යවස්ථා 13 වන සංශෝධනය ඉවත් කිරීමට යෝජනාවක් ගෙන ඒම (පළාත් සභා තාක්ෂණිකව අහෝසි වී ඇති පසුබිමෙක මේ යෝජනාව තුනෙන් දෙක නොලැබී අසාර්ථක වුවත් ගැටළුවක් නැත. එහෙත් ද්‍රෝහීන් හඳුනා ගැනීමේ පරීක්ෂාවක් වශයෙන් එම යෝජනාව ගෙන ඒම වැදගත් වේ).

Saturday, August 8, 2020

මහමැතිවරණයේ ජයග්‍රාහකයෝ සහ පරාජිතයෝ

ජයග්‍රාහකයෝ සහ පරාජිතයෝ මැයින් මීට දෙදිනකට පෙර පළ කෙරුණු ලිපිය ලිවීම ඇරඹුණේ ඉන් දෙසතියකට පෙර ජුලි 24 වැනිදාය. ඒ දෙසතිය තුල බොහෝ වෙනස් කම් සිදු විය. ඒ ගැන නොසළකා ලිපිය පල කළෙමි.

එහි ගුණ දොස් විමසීමට මේ කාලයයි. එක් පාඨකයෙක් අප කෙරේ අනුකම්පාවෙන් එහි කොටසක් උපුටා දක්වා This part alone shows your analytical skill. Time to learn to see things objectively. යනුවෙන් සටහනක් ද යොදා තිබිණි. ඒ සහෘදයාට පිං.

යාපනය දිස්ත්‍රික්කයේ උඩුප්පිඩි ජයග්‍රහණය


මෙහිදී පැහැදිළි කළ යුතු දෙයක් තිබේ.

ප්‍රස්තුත ලිපියෙන් අප අනාවැකි කීමට උත්සාහයක් දැරුවේ නැත. ඒ නිසා ඉලක්කම් එහා මෙහා වීම සැළකිය යුතු ප්‍රශ්නයක් නොවේ. ඒ ලිපියන් සහ ඊට පෙර ලිපියෙන් අප උත්සාහ කළේ මහමැතිවරණයෙන් පසු පත් වන පාර්ලිමේන්තුවේ සංයුතිය ගැන අපගේ අදහස ඉදිරිපත් කිරීමටයි. එය විශ්ලේෂණයක් යැයි ගැනීම හොබින්නේ නැත. සැකෙවින් කියතොත් ඒ ලිපි වල පැනවෙන සංඛ්‍යා අපගේ අනාවැකි වලට වඩා අපගේ පැතුම් ය. අප විසින් අනාවැකි කීම අත හැර දැමුවේ 2015 ජනාධිපතිවරණයේ දී ය.

වැඩි දුර නොයා මෙවර ඒ ඒ පක්‍ෂ ලබා ගත් ආසන ගණන වෙත යොමු වෙමු. මෙහි වරහන් තුල පළමුව දිස්ත්‍රික්ක වලින් සහ දෙවනුව ජාතික ලැයිස්තුවෙන් ලබා ගත් මන්ත්‍රී ධුර සංඛ්‍යා දැක්වේ.
  1. ශ්‍රී ලංකා පොදුජන පෙරමුණ 145 (128 + 17 )
  2. සමගි ජන බලවේගය 54 ( 47 + 7 )
  3. ඉලංකෙයි තමිල් අරසු කච්චි 10 ( 09 + 1 )
  4. ජාතික ජන බලවේගය 3 ( 02 + 1 )
  5. ඊලාම් මහජන ප්‍රජාතන්ත්‍රවාදී පක්ෂය 2 ( 02 + 0 )
  6. අකිල ඉලංකෙයි තමිල් කොංග්‍රස් 2 ( 01 + 1 )
  7. තමිල් මක්කල් විඩුඔලෛප් පුලිකාල් 1 ( 01 + 0 )
  8. ශ්‍රී ලංකා නිදහස් පක්‍ෂය 1 ( 01 + 0 )
  9. මුස්ලිම් ජාතික සන්ධානය 1 ( 01 + 0 )
  10. තමිල් මක්කල් තේසිය කුට්ටානි 1 ( 01 + 0 )
  11. අකිල ඉලංකෙයි මහජන කොංග්‍රසය 1 ( 01 + 0 )
  12. ජාතික කොංග්‍රසය 1 ( 01 + 0 )
  13. ශ්‍රී ලංකා මුස්ලිම් කොංග්‍රසය 1 ( 01 + 0 )
  14. එක්සත් ජාතික පක්ෂය 1 ( 00 + 1 )
  15. අපේ ජන බල පක්ෂය 1 ( 00 + 1 )
ඉහත විස්තරය අනුව පැහැදිළි වන්නේ පොදුජන පෙරමුණ බොහෝ දෙනා බලාපොරොත්තු වූ ලෙසම පාර්ලිමේන්තුවේ තුනෙන් දෙකක බහුතරය සාක්‍ෂාත් කරගෙන තිබෙන බවයි. එය අපේ පැතුම නොවීම වෙනම කාරණාවකි. ඉහත නිල් පැහැයෙන් සළකුණු කර ඇත්තේ පොදුජන පෙරමුණේ සංධානගත පක්‍ෂ සහ කණ්ඩායම් ය. ඔවුන්ට කිසි බාධාවකින් තොරව පැවති යහපාලන ජුන්ටාවේ 19 වන සංශෝධනය ප්‍රකාරව ජාතික ආණ්ඩුවක් තනා ඇමති ධුර ගණන හිතුමතේ වැඩි කර ගැනීමේ ශක්‍යතාව තිබේ.


Thursday, August 6, 2020

ජයග්‍රාහකයෝ සහ පරාජිතයෝ

2020 මහමැතිවරණය අවසන් ය. ඒ සමගම පුරා පස් වසරක් රට වෙලාගෙන තිබුණු අරාජිකත්වය දෙවියන්ගේ පිහිටෙන් පහව යනු ඇත. පවත්නා භාරකාර ආණ්ඩුව තව දින කිහිපයක් ඉදිරියට යනු ඇති අතර ලබන ඉරු දින නැතිනම් සඳු දින මහින්ද රාජපක්‍ෂ මහතා සිව් වැනි (සහ බොහෝ විට අවසන්) වරටත් ශ්‍රී ලංකාවේ අග්‍රාමාත්‍ය ලෙස දිවුරුම් දෙනු ඇත. එතුමෝ පළමු වරට 2004 මහා මැතිවරණයෙන් අනතුරුව චන්ද්‍රිකා කුමාරතුංග ජනාධිපතිනිය යටතේත්, දෙවැනුව 2018 වසරේ ඔක්තෝබර විප්ලවයෙන් අනතුරුව මෛත්‍රිපාල සිරිසේන ජනාධිපතිවරයා යටතේත් අවසන් වරට 2019 ජනාධිපතිවරණයෙන් අනතුරුව ගෝඨාභය රාජපක්‍ෂ ජනාධිපතිවරයා යටතේත් ඒ තනතුර දරා තිබේ. ඔහු මේ මැතිවරණයේ ප්‍රධානම ජයග්‍රාහකයා වෙයි.

එහෙත් අද කතාව පුද්ගලයින් ගැන කතාවකට වඩා පක්‍ෂ ගැන කතාවකි.




Friday, July 31, 2020

21: මෙවර වැඩිම මනාප කාටද ?

ගරු සරත් වීරසේකර මහතා මන්ත්‍රීවරයකු වීමට පෙරත්, එනම් නාවික හමුදාවේ සිටියදීත් පසුව සිවිල් ආරක්‍ෂක දෙපාර්තමේන්තුවේ අධිපති ලෙසත් රට වෙනුවෙන් තීන්දු තීරණ ගෙන කටයුතු කර ඇත; මන්ත්‍රීවරයෙකු වශයෙනුත් එසේම සෘජු තීරණ වල සිටිමින් ඉතාම දුෂ්කර අවස්ථා වල පවා රට වෙනුවෙන් පෙනී සිට ඇත; මන්ත්‍රීධුරයක් නොමැතිව පවා ජාත්‍යන්තරය සමග ගැටෙමින් රට ජාතිය වෙනුවෙන් කටයුතු කර ඇත; මෙවර මැතිවරණයෙන් නැවත මන්ත්‍රීවරයෙකු ලෙස පත් වුණත් ඔහු රට වෙනුවෙන් ජාතිය වෙනුවෙන් කරමින් සිටි කටයුතු ඊට වඩා මැනැවින් තවදුරටත් ඉදිරියට කරගෙන යනු ඇත.

වැදගත් දේ නම් ඒ මහතා ඉතාම දුෂ්කර අවස්ථා වල පවා ජාතිය වෙනුවෙන් අභිමානයෙන් යුතුව පෙනී සිටීමට දැක්වූ නිර්භීත භාවයයි. එතුමාට සාපේක්‍ෂව උදය ගම්මන්පිළ "තමාට පෙර රට" යැයි තේරුමක් නැතිව කට පාඩමෙන් කියවන පෙර පාසැල් දරුවෙකි. 19 වන සංශෝධනය අවස්ථාවේ එයට පක්‍ෂව ඡන්දය දී ලැජ්ජාවක් නැතිව තමන් මහා දිණුමක් ලැබුවා සේ පුරාජේරු කතා කී විමල් වීරවංශ නිකංම නිකං කෙළ තොල්ලෙකි. දිනේෂ් ගුණවර්ධනගේ වයස ගැන සළකා (මේ ඔහුගේ අවසන් මැතිවරණයයි) කිසිත් නොකියමි. මංමුලා වී පාර හොයාගෙන "පිස්සෙක් වගේ" ඇවිදින විජේදාස, ජීවමාන විහිළුවක් වී සිටින බන්දුල ගුණවර්ධන ආදීන් ගැන කතා කිරීමේ පලක් නැත. මේ කියුවේ දිනීමේ වැඩි ශක්‍යතාවයක් ඇති (පරාජය වේ යැයි අප නොසිතන) අයවළුන් ගැනය. මේ හාදයින්ට වඩා පැන්ෂන් ගිය UNP කාරයෙක් වන ගාමිණී ලොකුගේ ගේ ගතියක් තිබේ.





Friday, July 24, 2020

අනතුරු දෙකක්, මරණ දෙකක් !

මේ මස 20 වැනිදා උදෑසන නුගේගොඩ ගුවන් පාලම මතදී මාර්ග අනතුරක් සිදු විය. ගුවන් පාලම මතදී එක බස් රථයක් තවෙකක් පසුකර යාමට උත්සාහ කිරීමේදී ඉදිරියෙන් පැමිණි රථයේ මුහුණට මුහුණ ගැටීමෙන් එහි රියදුරා මිය ගියේය. තවත් කිහිප දෙනෙකුට බරපතල තුවාල සිදු විය. එසේම සිය ගණනකගේ කාල වෙලාව අපතේ ගියේය. ලංකාවේ හිඟන ආණ්ඩුවට මිලියන ගණනක් නිකරුණේ වියදම් විය.

එසේම ඊට දෙසතියකට පමණ පෙර මොරටුවේදී බේබදු සල්ලාලයෙක් විසින් මාර්ගයේ වැරදි පැත්තෙන් පැදවූ සැප රියට යට වී පාපැදි කරුවෙක් මිය ගියේය. CCTV දර්ශණ අනුව බල්ලන් දෙදෙනෙක් පමණක් ඒ ගැන වද වනු පෙනිණි.

මාර්ග අනතුරු ලංකාවේ සාමාන්‍ය සිදු වීම්ය. මීට පස් වසරකට පමණ පෙර සම්මන්ත්‍රණයකදී කියැවුණේ ලංකාවේ දිනකට මාර්ග අනතුරු වලින් අට දෙනෙකුන් මිය පරළොව යන බවයි. අද මේ ගණන මීට වඩා වැඩි මිස අඩු වී ඇත්නම් ඒ කොරෝනා වෛරස රෝග බිය හේතුකොටගෙන මහා මාර්ග පාළුවට යාම හේතුවෙනි. එවැනි තත්වයක මේ මරණ දෙක ගැන පමණක් අප මෙහි සටහන් තබන්නේ ඇයි ?


Tuesday, June 30, 2020

දවස ගෙවුණ හැටි

කොරෝනා අලකලංචිය අප සමාජයේ බොහෝ දේ වෙනස් කළේය. අපගේ දින චරියාවත් ඊට අයත්ය. කොරෝනා පිස්සුව හොඳටම හොඳ වුණත්, මෙහි අතුරු විපාක තව කාලයක් යන තුරු අපට වද දෙනු ඇත.

සිරිතක් වශයෙන් දෙතිස් කතාවේ අපගේ පෞද්ගලික තොරතුරු සටහන් කරන්නේ නැත. හේතුව සරල ය. පෞද්ගලික කරුණු සටහන් කිරීමෙන් සිදු වන්නේ අපට අවධාරණය කිරීමට අවශ්‍ය දේට අවශ්‍ය අවධානය ගිලිහී යාමයි. එසේ වුවත් උක්ත කාරණාව පොදුවේ වැදගත් යි සිතන බැවින් සටහන් කිරීමට සිතුවෙමි.

සහෝදර බ්ලොග් රචකයන් වෙතත් ඒ සමගම කෙරෙන ආරාධනාවක් වෙයි.



Monday, June 8, 2020

අපි ඉන්නා තැන

මහමැතිවරණය නොපවත්වන ලෙස විවිධ පාර්ශව විසින් දැමූ පෙත්සම් ශ්‍රේෂ්ඨාධිකරණය විසින් ඉවත විසි කර දැමිණ. ඒ ගැන විස්තරාත්මක නියෝගයක් තවම නිකුත් කළ බව දැන ගන්නට නැත. සමහර විට ඊට හේතුව ජනමාධ්‍ය වන ප්‍රමුඛතා වෙනස් වීම විය හැක.

මේ පෙත්සම් ශ්‍රේෂ්ඨාධිකරණය විසින් ඉවත දැමීම ජයග්‍රහණයකි, එහෙත් එසේ විසි කර දැමීමට හේතු නොදන්නේ නම් ඒ ජයග්‍රහණය සැමරිය හැකිද යන ප්‍රශ්නය ඇති වෙයි. සජිත්-ජලනි බලවේගයේ මාධ්‍ය ප්‍රකාශක තුමාට අනුව ශ්‍රේෂ්ඨාධිකරණ තීන්දුව පෙත්සම් කරුවන්ගේ ජයග්‍රහණයකි, ඒ කලින් යෝජනා කෙරුණු ජූනි 20 දිනත් මැතිවරණය නොපැවැත්වෙන බැවිණි. පෙරළුණු පැත්ත හොඳයි කියනු වෙනුවට තමන්ගේ සැබෑ අවශ්‍යතාවය වූයේ බාර දුන් නාමයෝජනා අහෝසි කරගෙන නැවත නාමයෝජනා දීමට අවස්ථාව සළසා ගැනීම බව පිළිගැනීමට මේ අයට ආත්ම ශක්තියක් නැත්තේ ඇයි?


Saturday, May 2, 2020

විකල්ප නෑ

අප්‍රේල් මාසය කොරෝනා සමගම ගෙවී ගියේය. මැයි මාසය කලබලයක් නැතිවම ආවේය. වෙනදා මැයි පළමු වැනිදා ඇසෙන්නේ කම්කරුවන් නැති කම්කරු පෙළපාලි වල හිස් ඝෝෂාවයි. අද ඒ කිසිවක් නැත. අප්‍රේල් මාසය ආරම්භයේදී අපට කිසි සුභවාදී බලාපොරොත්තුවක් අනාගතය ගැන තිබුණේ නැත. දැනුත් නැත. එහෙත් අවිනිශ්චිත භාවය යම් තරමකින් අඩු වී තිබේ. කොරෝනා වසංගතය සමග පුළු-පුළුවන් හැටියෙන් ජීවත් වීම මිස අපට වෙන විකල්පයක් නැති බව අප්‍රේල් පළමු වැනිදා අප කීවෙමු. ආණ්ඩුවත් දැන් දැන් ඒ වග තේරුම් ගනිමින් සිටින බව පෙනීම පමණක් සතුටට කාරණයකි.

කොරෝනා වසංගතයට පෙර බඩගින්නට බිත්තියේ පස් කෑ, මඤඤොක්කා කොළ කෑ, තව විවිධ දේ කෑ අය ගැන පුවත් පල වුවත් අප්‍රේල් මාසය තුල එවැනි දේ වාර්තා වූයේ නැත. ඒ ජනමාධ්‍යයේ ප්‍රමුඛතා වෙනස් වීම හේතු කොටගෙන මිස බැසිල් රාජපක්‍ෂගේ අමුතු සාර්ථකත්වයක් හේතුවෙන් සිදු වූවක් නොවේ. සත්‍යය නම් රටක් මෙසේ වසා දමාගෙන දිගු කාලයක් ගත කිරීම ප්‍රායෝගික නැති බවයි.

රුපියල් 5000 ගැන විවිධ කතා මාධ්‍ය ඔස්සේ ප්‍රචාරය විය. අපට නම් එවැන්නක් ලැබුණේ නැත (එය ලබා ගැනීමට තරම් අහේනියක් තවම ඇති නොවීම වෙනම කතාවකි). එහෙත් රටේ වැඩි දෙනාගේ ආදායම් මාර්ග මේ වන විට ඇහිරී ගොස් තිබේ. අප විසින් පෞද්ගලිකව මූල්‍යාධාර ලබා දී අපේම ඥාතියෙකු විසින් කොළොඹ දිස්ත්‍රික්කයේ සුළුවෙන් ආරම්භ කෙරුණු ව්‍යාපාරයක් ඇඳිරි නීතිය සමගම වල පල්ලට ගියේය. ඒ සඳහා මිලදී ගත් යන්ත්‍ර සූත්‍ර නිකරුනේ දිරා යන එයට යට වූ ණය කන්දක් පමණක් ඉතිරිව තිබේ. වැටුප් ගෙවන ආයතන බොහොමයක සම්පූර්ණ වැටුප් ගෙවීමත් ප්‍රශ්නයකි. අප සේවාස්ථානයත් ඇතුළු බොහෝ ආයතන වැටුප් කප්පාදුව ආරම්භ කර ඇත.




Wednesday, April 1, 2020

ඔබත් ඔහොම ඔතැන ඉන්න මමත් මෙහෙම මෙතැන ඉන්නවා

මේ මොහොත වන විට මුළු දිවයිනටම ඇඳිරි නීතිය බල පැවැත්වෙන අතර ගම් ප්‍රදේශ දෙකක් සම්පූර්ණයෙන් වසා දමා නිදහස් ගමනාගමනය නවතා ඇත. ලංකාවේ දෙවන රෝගියා මළවුන් අතරට ගිය අතර ඒ මෘත කලේබරය රජයේ වියදමින් ආදාහණය කළ ආකාරය සම්බන්දයෙන් ජාතිවාදී මරක්කල දේශපාලනඥයන් සහ තවත් පිරිස් විසින් විවේචන එල්ල කෙරේ. ප්‍රස්තුත මරණකාරයා මරාගෙන මැරෙන මෙහෙයුමක සිටි බවයි ඊට පෙර සැළ වූයේ.



ඇඳිරි නීතිය යටතේ ජිවත් වීම අපේ පරම්පරාවේ උදවියට සහ අපේ වැඩිහිටියන්ට එතරම් අරුමයක් නොවේ. මෙයින් සමහරු තුන්ඩු කෑල්ලේ ඇඳිරි නීතියටත් යටත්ව විසුවෝ ය. එදා ඒ ඇඳිරි නීතිය පැනවූ උදවිය මෙදා මේ ඇඳිරි නීතිය විවේචනය කිරීමයි ලොකුම හාස්‍යය.

නරක වෙලාවට මෝල් ගහත් පත්තු වෙනවාය කියා සිංහල කියමනක් තිබේ. ඒ අයුරින්ම වෙලාව හොඳ නම් ගඟේ මූදේ දැමුවත් අනතුරක් වන්නේ නැත. නිදහසින් පසු ලංකාව රාජ්‍යයක් වශයෙන් මුහුණ දුන් දරුණුම ව්‍යසනය 19 වන ව්‍යවස්ථා සංශෝධනය නමින් පසුගිය යහපාලන ආණ්ඩුව විසින් කළ ව්‍යවස්ථා කුමන්ත්‍රණය යි. එහි කිසි හොඳක් අප මේ වන තුරු දුටුවේ නැත. මොන මොන ව්‍යසන ආවත් කවුරු මොන කුමන්ත්‍රණ කළත් මේ ලංකාද්වීපයට සම්‍යග්දෘෂ්ඨික දෙවි දේවතාවුන්ගේ බැල්ම වැටී තිබේ. ඒ හේතුවෙන් සමහර ව්‍යසන රටේ යහපත වෙනුවෙනුත් කැරකේ. මේ එවැනි අවස්ථාවකි.


19 වන සංශෝධනය නොවිණි නම් පසුගිය වසරේ ජනාධිපතිවරණය පැවැත්වෙන්නේ නැත - එසේනම් තවමත් ජනාධිපති සිරිසේනමය. වික්‍රමසිංහ අගමැති වන සෞඛ්‍ය ඇමති ධුරය සේනාරත්න විසින් දැරෙන ආණ්ඩුවක් යටතේ තට්ට සේනානායක යුධ හමුදාපති ධුරයත් සින්නයියා නාවුක හමුදාපති ධුරයත් දරද්දී පිරිමි මිසී මහතා විසින් සෞඛ්‍ය සේවයේ ප්‍රතිපත්ති තීරණය කරන විටෙක නව කොරෝනා වෛරසය ලංකාව ආක්‍රමණය කළේ නම් ජනතාවට අබ සරණය - සදා ලෝක පූජිත සුවපති නාමධාරී නැව්පති සේනාරත්න තව නැව් දුසිමක් මිලදී ගන්නවා ඇත.




Friday, March 13, 2020

විශේෂ නිවේදනය

ඊයේ උන දේ අද වෙන්න දෙන්න එපා ඕං !


The public is advised to refrain from misuse of all forms of telecommunication services to circulate or share false or fabricated information on Covid-19 to create unnecessary panic among the general public.

This is a punishable offence in terms of the law.

- TRCSL

සෙස්ස පස්සට...

Thursday, February 20, 2020

ශ්‍රී ලංකාණ්ඩුවේ ගැසට් පත්‍රයකින් රෙද්ද කඩා දැමුණු පළමු බ්ලොග් රචකයා

පසුගිය නොවැම්බර 27 දින ලියා පල කළ "මහමැතිවරණය සහ රටේ අනාගතය" ලිපියට අප මිත්‍ර "නයනේ - සිතුවිළි" දැමූ අදහසට ප්‍රතිචාර වශයෙන් අප දැමූ දිගු පිළිතුරේ කොටසකි පහත උපුටා දැක්වෙන්නේ.

...
මුස්ලිම් ජාතිවාදී පක්‍ෂ ආණ්ඩුවේ නොමැති තත්වය යටතේ මුස්ලිම් මනුෂ්‍යයන්ට දැන් කෙළින්ම පොහොට්ටුව වෙත මනාපය ප්‍රකාශ කිරීමේ අවස්ථාව උදා වී තිබේ. එය කළමනාකරණය කර ගැනීම ඒ පක්‍ෂය සතුය.

එහෙත් නැවතත් බැසිල් විශ්වාස නැත. සෛන්දමරද ප්‍රදේශයට නගර සභාවක් දෙන බව පොරොන්දු දුන්නේ මේ වල් බූතයා ය.

හොඳ වෙලාවට මුස්ලිම් මිනිසුන් ගෝඨාභයට ඡන්දය දුන්නේ නැත. දැන් ඊළඟ මැතිවරණයේදී මූ ගොස් සෛන්දමරද ප්‍රදේශයට පළාත් සභාවක් දෙමිය කියන්නටත් ඉඩ තිබේ. එසේ පොරොන්දු දී ගන්නා ඡන්ද අවශ්‍ය ද? කළ යුත්තේ සුදුසු මානසික තත්වයක මුස්ලිම් මිනිසුන් ඒ ප්‍රදේශ වලින් ඉදිරිපත් කිරීමයි.

...

November 28, 2019 at 7:48 PM


පසුගිය සතියේ ගැසූ ගැසට් පත්‍රයකින් ආණ්ඩුව විසින් අපගේ රෙද්ද කඩා දැම්මේය. දැන් අපට සමාජයට මුහුණ දීමට හැකියාවක් නැත. ආණ්ඩුව විසින් ඒ ගැසට් පත්‍රය මගින් රෙද්ද කඩා දැමුණු එකම පුද්ගලයා අප නොවුණත්, දශකයකට වඩා මදක් වැඩි සිංහල බ්ලොග් ඉතිහාසය තුල ආණ්ඩුවේ ගැසට් පත්‍රයකින් රෙද්ද කඩා දැමුණු පළමු බ්ලොග් රචකයා බවට පත් වීමට අපට සිදු වී තිබේ.

අදෝ !



යට දැක්වෙන්නේ ඒ ගැසට් පත්‍රයෙන් රෙද්ද ගැළවුණු අප වැනිම තවත් මහතෙකුගේ ශෝකාලපයයි.


Friday, February 14, 2020

වැලන්ටෛන්ලා බෞතිස්ම කිරීම හෙවත් උන්ගේ "අපේ හතේ පොත"

ඉඳහිට හෝ පල වන දෙතිස් කතා කියවන පාඨක සමූහයාට මැතිවරණයක් ලැබෙන නව වසරක් මුලින්ම පතමි. මේ කතා කරන්නට යන්නේ වැලන්ටෛන් දිනය ගැන නොවේ. මේ කියන්නට යන්නේ කිව යුතු නැතිව තිබුණු කතාවකි. "හතේ අපේ පොත" පහුගිය ආණ්ඩුව ගානේ හතේ ළමයින්ට දුන් පොතකි. අපේ සල්ලි (ඔව්, බදු සල්ලි) මේවාට වැය වී නැතුවා විය හැක. එබැවින් "නඩුත් හාමුදුරුවන්ගේ - බඩුත් හාමුදුරුවන්ගේ" යන පදනමින් මෙය කතිකා නොකළ යුතු මාතෘකාවක් බවයි අප සිතුවේ.

ආණ්ඩු කරන්නේ අප කියන දේ ම නොවේ, එසේම අප කිහිප දෙනෙක් විරුද්ධ වූවැයි කියා ආණ්ඩුවක් තමන් කරන දේ නවතන්නේ ද නැත. හැරත් ඔය කියන "ලිංගික අධ්‍යාපනය" ළමයි කොහොම හරි කවදා හරි ඉගෙන ගනිති. ඒවා වැළැක්විය හැකි / යුතු දේ ද නොවේ. පසුගිය ආණ්ඩුවේ විරුද්ධ විය යුතු මීට වඩා බරපතල ගැටළු දහසක් තිබියදී මේ පොතක් ගැන වද වීම අවශ්‍යද? ඒ අප සිතූ සැටියි.

එක්තරා ස්වාමින් වහන්සේ නමක් ආණ්ඩු මාරුවෙන් පසු ඒ ගැන හඬක් නගා facebook හි රැල්ලක් ඇති වීමෙන් පසුත් අප සිතුවේ මේ අනවශ්‍ය කලබැගෑනියක් බවයි. එහෙත් අප වැරදි බව පසක් කළේ පහත සංවාදයයි.



ශ්‍රී ලංකාවේ සත් වන විධායක ජනාධිපති නන්දසේන ගෝඨාභය රාජපක්‍ෂ මහතා අද (ඉල් අව සතවක දා) උදෑසන සර්වඥයන් වහන්සේගේ ද්‍රෝණයක් ශාරීරික ධාතූන් වහන්සේලා වැඩ සිටින අනුරාධපුර රුවන්වැලි මහා සෑ රදුන් අභියස සම්බුද්ධ පා පහසින් පවිත්‍ර වූ ජය භූමියේ සිට ජනාධිපතිධුරයේ ප්‍රතිඥා දීමෙන් අනතුරුව ජාතිය අමතා කළ ප්‍රකාශය.


එතුමාට දෙතිස් කතාවේ උණුසුම් සුභ පැතුම් !
තෙරුවන් සරණින් සියළුම දෙවි රැකවරණින් සියලු කටයුතු සාර්ථක වේවා !