වැලන්ටෛන්ලා බෞතිස්ම කිරීම හෙවත් උන්ගේ "අපේ හතේ පොත"

ඉඳහිට හෝ පල වන දෙතිස් කතා කියවන පාඨක සමූහයාට මැතිවරණයක් ලැබෙන නව වසරක් මුලින්ම පතමි. මේ කතා කරන්නට යන්නේ වැලන්ටෛන් දිනය ගැන නොවේ. මේ කියන්නට යන්නේ කිව යුතු නැතිව තිබුණු කතාවකි. "හතේ අපේ පොත" පහුගිය ආණ්ඩුව ගානේ හතේ ළමයින්ට දුන් පොතකි. අපේ සල්ලි (ඔව්, බදු සල්ලි) මේවාට වැය වී නැතුවා විය හැක. එබැවින් "නඩුත් හාමුදුරුවන්ගේ - බඩුත් හාමුදුරුවන්ගේ" යන පදනමින් මෙය කතිකා නොකළ යුතු මාතෘකාවක් බවයි අප සිතුවේ.

ආණ්ඩු කරන්නේ අප කියන දේ ම නොවේ, එසේම අප කිහිප දෙනෙක් විරුද්ධ වූවැයි කියා ආණ්ඩුවක් තමන් කරන දේ නවතන්නේ ද නැත. හැරත් ඔය කියන "ලිංගික අධ්‍යාපනය" ළමයි කොහොම හරි කවදා හරි ඉගෙන ගනිති. ඒවා වැළැක්විය හැකි / යුතු දේ ද නොවේ. පසුගිය ආණ්ඩුවේ විරුද්ධ විය යුතු මීට වඩා බරපතල ගැටළු දහසක් තිබියදී මේ පොතක් ගැන වද වීම අවශ්‍යද? ඒ අප සිතූ සැටියි.

එක්තරා ස්වාමින් වහන්සේ නමක් ආණ්ඩු මාරුවෙන් පසු ඒ ගැන හඬක් නගා facebook හි රැල්ලක් ඇති වීමෙන් පසුත් අප සිතුවේ මේ අනවශ්‍ය කලබැගෑනියක් බවයි. එහෙත් අප වැරදි බව පසක් කළේ පහත සංවාදයයි.

එයින් අප කළ නිරීක්‍ෂණ අනුව බැස ගත් නිගමනය නම් පසුගිය ආණ්ඩුව විසින් රටට කර ඇති හානිය මතුපිටට පෙනෙනවාට වඩා බොහෝ ගැඹුරට විහිදී ඇති බවයි. 19 වන සංශෝධනය අහෝසි කර දැමීම බොහෝ ගැටළු විසඳීමට ඉවහල් වේ ය යන මතය දැරුවත්, එයින් පමණක් මේ ප්‍රශ්නය විසඳීමට නම් පිටුබලයක් නොලැබෙයි. කොටින්ම මුළු ආණ්ඩුක්‍රම ව්‍යවස්ථාවම අළුතින් ලියූවත් ප්‍රශ්නය නම් නොවිසඳෙයි. ප්‍රශ්නය ඓතිහාසික එකකි - දශක ගණනක සිට ක්‍රමයෙන් ඇති කෙරුණු මුල් බැස ගත් එකකි.
෴


ලංකාව සිංහලයින්ගේ රට වෙයි. වෙනත් රට වල සිංහලයින් වෙසෙතත් ඒ ඒ රටවල් සිංහලයින්ගේ රටවල් නොවෙයි. මෙය පරම සත්‍යයකි. එහෙත් ලංකාව සිංහල රාජ්‍යයක් නොවේ (ඇමති මංගලත්, ඇමති විජේදාසත්, ජවිපෙ මන්ත්‍රී වරු කිහිප දෙනෙකුත් මේ බව වචන වැරදි වැරදී ප්‍රසිද්ධියේ කියා ඇත). එසේනම් ලංකාව කුමක්ද?

ලංකාව අවනත රාජ්‍යයකි.

නිදහස ලැබූ දා පටන් ක්‍රම ක්‍රමයෙන් ලංකාව තම ග්‍රහණයට ගැනීමට ඔවුන් ක්‍රියා කර තිබේ. මේ නිහඬ ආක්‍රමණය තමන්ට සංයුක්තව දැනෙන (ඇඟට දැනෙන) සෑම අවස්ථාවකම ඊට පිළිතුරු ලෙස සිංහල බලය දේශපාලනික වශයෙන් ලෝකයට ඉදිරිපත් කරවීමට සිංහලයින් සවිඥානික වුවත් එය ප්‍රතික්‍රියාවකට සීමා නොවී කල් පවත්නා ආරක්‍ෂක විධිවිධාන සකසා ගැනීමට ඔවුන් සමත් වූයේ නැත. වෙනත් අයුරකින් කිවහොත්, සිංහලයින් විසින් දේශපාලන බලයේ හිණි පෙත්තට ඔසවා තැබූ අය විසින් එකී බලයේ ප්‍රභවය නොසළකා හැරීම දිගින් දිගටම සිදු වූ සංසිද්ධියයි.

1956 දීත්, 1970 දීත්, 2004 දීත්, 2019 දීත් සිදු වූයේ එයයි, එනම් සිංහලයා සිංහලය ගැන සවිඥානික වීමයි. 1956 දී සිංහලය රජ-බස විය. 1972 දී රටේ පරමාධිපත්‍යය මහජනතාව වෙත පවරමින් ලංකාව ජනරජයක් විය. 2005 දී එළිපිට කෙරුණු ක්‍රිස්තියානිකරණ ව්‍යාපාරය පසු බස්සවා 2009 දී දෙමළ ත්‍රස්තවාදී කැරැල්ල මැඩ පැවැත්විණ. දැන් සිංහල ඡන්දයෙන් නන්දසේන ගෝඨාභය ජනාධිපති ය. එසේ වුවත් සිංහල රාජ්‍යය නැවත පිහිටුවා ගැනීමට අප තවම සමත් වී නැත.
෴


ඉහත සංස්කරණය කළ වීඩියෝවේ සිටින පුද්ගලයින් තම බලපුළුවන්කාරකම් පෙන්වන්නේ සිංහලයින්ට එරෙහිවයි. පහත වීඩියෝවේ මේ අය, විශේෂයෙන් සුදු රෙදි ඇඳි කත, වඩා වඩාත් ආවේගශීලී වෙමින් ස්වාමින් වහන්සේ කුප්පන්නට (intimidation) කටයුතු කරනු පෙනෙයි.



දැන් අපගේ වෙනස් වූ අදහස මෙසේය.

මෙකී "හතේ අපේ පොත" පසුගිය ආණ්ඩුවේ අවජාතක ව්‍යාපෘතියකි. මෙය අවජාතක වන්නේ ඊට සම්බන්ධ අය එවැන්නන් වීම හේතුවෙන් නොව ඊට උප්පැන්න දීමට දැන් කිසිවෙකුත් ඉදිරිපත් නොවන බැවිණි. මෙය රැක ගැනීමට කතා කරන උදවිය (ගණිකාවක ලෙස Youtube රසිකයින් විසින් හඳුනා ගැනෙන, තමන් විසින් ලිවී යැයි කියන පොත් වලට ප්‍රචාරයක් ලබා ගැනීමට පැමිණ සිටින ප්‍රසිද්ධ නිළිය සහ විදෙස් අරමුදල් ලබන නොරාජ්‍ය සංවිධානයක් ලෙස දැනට ක්‍රියාත්මක වන ලියාපදිංචි දේශපාලන පක්‍ෂයක් නියෝජනය කරන වැටුප් නොගන්නා මන්ත්‍රී තුමා හැරුණු කොට) පවා කියන්නේ වෙනස් කළ යුතු තැන් ඇතොත් වෙනස් කළ යුතු බවයි. මේ පොත තවදුරටත් කරේ තබාගෙන යා යුත්තේ ඇයි ?

ඒ අනුව අපගේ අදහස පහත පරිදි වේ:

• ආණ්ඩුවේ වියදමින් මේ පොත මුද්‍රණය කිරීම හෝ ප්‍රවර්ධනය කිරීම හෝ නොකළ යුතුය.
• ආණ්ඩුවේ පාසල් වල (මධ්‍යම ආණ්ඩුව සහ පළාත් සභා) මෙය නොමිලයේ බෙදා හැරීමට අවසර නොදිය යුතුය.

මෙකී පොතෙන්, එහි නිර්මාතෘන්ගේ ප්‍රකාශිත අරමුණ කුමක් වුවත්, සංස්කෘතික ආක්‍රමණයක (සිංහල ළමා මනස දූෂ්‍ය කිරීමක) ලකුණු පෙන්වන බැවිණි.
෴


ඉහත සංවාදයට සහභාගී වන කාන්තාවන්ගේ ප්‍රකාශ වල සාරාංශය ගෙන බැලූ විට ඒවායේ පොදු සාධකය සිංහල හර පද්ධතියට පහර දීමත් බෞද්ධ සංස්කෘතිය හෑල්ලු කිරීමත් පවුල් සංස්ථාවේ සාම්ප්‍රදායික තත්වයට අකුල් හෙළීමත් බව පැහැදිළි ය. ලිංගික ක්‍රියා පිළිබඳ දැනුම පවුල (දෙමාපියන්) තුලින් සහ සමීප සමාජය (වැඩිහිටියන්) තුලින් උකහා ගත යුතු දැනුමක් මිස සම්මතකරණයට (standardization) ලක් කර නිලධාරීතන්ත්‍රය හරහා ලබා දිය යුතු දැනුමක් නොවේ. වෙනත් වචනයෙන් කියතොත් එය විසරණය විය යුතු දැනුමක් මිස ඉගැන්විය යුතු එකක් නොවේ. ලිංගික ක්‍රියා පිළිබඳ දැනුම ඉතා පැහැදිළිවම සංස්කෘතියට සාපේක්‍ෂ වූවකි.

මේ පොත කරවූ සහ එය නිකුත් කිරීම ගැන බලධරයන් ලෙස ක්‍රියා කරන කතා කරන අයවළුන් සිංහල සංස්කෘතියේ පිහිටි අයවළුන් නොවේනම් ඔවුන්ට සිංහල දරුවන් වෙනුවෙන් මෙවැනි පොතක් සකස් කර එය පාසැල් පද්ධතිය හරහා සිංහල දරුවන් වෙත යොමු කිරීමේ අධිකාරී බලයක් තිබිය යුතු නැත. මේ පොත ගැන කතෝලික සභාවේ මතය කුමක්දැයි අප දන්නේ නැත. කතෝලික සභාව මේ පොතට පක්‍ෂ වේ යැයි සිතීමේ සාධක නැත - බෞද්ධ හිමිවරුන්ට වඩා මෙවැනි කාරණා ගැන සමස්ථය දැකීමක් කතෝලික සභාවේ පෙර හැසිරීමෙන් පෙන්නුම් කර තිබේ.

මෙහි දෙමළ පරිවර්තනයක් ඇතැයි සිතමි, දෙමළ පාසැල් වල ඒ පොත සාදරයෙන් පිළි ගන්නේද, මුස්ලිම් පාසැල් වල තත්වය කෙසේද ?
෴


ලිංගික ක්‍රියා ගැන ලියූ පොත් නොමිලේ ප්‍රචාරය කර ගැනීමට පැමිණි ප්‍රසිද්ධ නිළිය මේ සංවාදය අතරතුර ගණිකා වෘත්තීය නීතිගත කළ යුතු යැයි ප්‍රකාශයක් කරයි. අනෙක් කාන්තාවන්ගේ ප්‍රතිචාරය හොරාට කළින් කෙහෙල්කැන වැට පනිනා බැව් සිහි ගන්වයි. ඔවුන්ගේ හැසිරීම සාධාරණයි. රහස් නම් සාක්‍ෂාත් කර ගන්නා තෙක් කිසිවෙකුට නොකිව යුතු යැයි මහෞෂධ පඬි තුමන්ගේ ඉගැන්වීම මෙහිදී සිහි වෙයි. තමන් මුවින් නොකීවත් ඒ කාන්තාවන්ගේ සැඟවුන අභිප්‍රාය ද එයමැයි. පාසැල් දරු - දැරියන් අත පත් කරන පොත දීර්ඝ කාලින මහා සැලැස්මක මූලාරම්භය වෙයි.

පසුගිය කාලයේ, 2015 පෙරළියටත් පෙර සිට, ප්‍රසිද්ධ ජනමාධ්‍ය - විශේෂයෙන් විජය පුවත්පත් සමාගමේ ඉංගිරිසි මුද්‍රිත මාධ්‍ය - වල LGBT ආරංචි වලට වැඩි ඉඩක් වෙන් කෙරෙනු නිරීක්‍ෂණය කළ අය මේ ලිපිය කියවන්නේ යැයි සිතමි. ගැහැණු ලෙස පෙනී සිටින පිරිමි, පිරිමි ලෙස පෙනී සිටින ගැහැණු මේ මාධ්‍ය වල ඉඩක් ගැනීම හුදු අහම්බයක් නම් නොවේ. පසුගියදා ප්‍රචාරයට පත් වූ දරුවෙක් බිහි කළ පිරිමියා ගැන කතාව සළකන්න.

සමාජ සම්මතය නම් පිරිමියෙක් දරු ප්‍රසූතියක් නොකරන බවයි, දරු ප්‍රසුතියක් කරන්නේ ගැහැණියක විසිනි. ඇත්ත වශයෙන් රෝහලේ දී සිදු වූයේ ද එයමැයි - එනම් ගැහැණියක විසින් දරුවෙක් ප්‍රසූත කිරීමයි. එකී ගැහැණියක තමන් පිරිමියෙක් ලෙස පෙනී සිටීම ද්විතීයික කාරණයකි. මෙය පුවතක් විය යුතු නැත. නමුත් ඊට දුන් අනවශ්‍ය ප්‍රචාරය LGBT ව්‍යාපාරික සමාගම් වල ප්‍රචාරක ව්‍යාපෘතියේ කොටසකි. අවාසනාව මීට ප්‍රචාරය දෙන තනි පුද්ගලයන් සහ මාධ්‍ය ආයතන තවත් පිරිසක් විසින් තමන් කඩේ යවන බව නොදැන ඒවා ප්‍රචාරයට හවුල් වීමයි.
෴


හතේ අපේ පොත හුදෙකලා සිද්ධියක් නොවේ. අර සංවාදයේ පෙනී සිටි අඩුවෙන් කතා කළ සුදර්ශනී ප්‍රනාන්දු පුල්ලේ යැයි අප අනුමාන කරන කාන්තාව සහ ඇය අසල සිටි තරබාරු පුද්ගලයා මෙහි ගැඹුර දන්නේ යැයි නොසිතමි. නමුත් ස්වාමින් වහන්සේ ආවේගශීලි කිරීමට ප්‍රාතිමෝක්‍ෂය ගැන පාළි පාඨ වැරදි වැරදී උපුටා දක්වන සුදුරෙදි ඇඳි කාන්තාව (ප්‍රාතිමෝක්‍ෂය, සිඛ වළඳ, සිඛවළඳ විනිස ලංකාවේ සියළු පාසැල් දරුවන්ට නොමිලේ බෙදන බව ද මේ ගොන්නු සිතන්නේ?) සහ මේ ගැන කතා කරන අනෙක් කාන්තාවන්, මූලාසනය දරන්නේ යැයි අප සිතන අංශුමාත්‍රසිංහ මන්ත්‍රීවරයා, පැත්තක සිට හාමුදුරුවන් සමග කතා නොකර අමාත්‍යංශ වල නිලධාරීන් ලක ලැහැස්ති වී ගොස් අමාත්‍යවරයා අන්දවා මේ පොත බෙදා හැරීමට යෝජනා කරන මන්ත්‍රී සහෝදරයා ආදී සියළු දෙනා මේ ක්‍රියාවලියේ හවුල් කරුවන් බව පෙනේ.

මේ ක්‍රියාවලියේ අවසානය අප සංස්කෘතික වශයෙන් කොතැනකට ගෙන යාමද ? පරිවාස දෙපාර්තමේන්තුවට වින්දිතයන් සාක්‍ෂි දීමට පෙළඹවීම අපහසු නම් කළ යුත්තේ රටේ සියළුම දරුවන්ගේ ලැජ්ජා-බය සිඳලීමට යෝජනා ගෙන ඒමද ? තමන්ගේ අසමත් කම වසා ගැනීමට අනුන්ගේ රෙද්දකට (LGBT ව්‍යාපාර වල න්‍යාය පත්‍ර වලට) මුවා වීම මේ දෙපාර්තමේන්තු වල ඉහළ තැන් අරක් ගෙන සිටින නෝනලා ගන්නා පඩියට තරම් වේද ? අර වෛද්‍ය වසන්ත බණ්ඩාර මහතා නැගූ ප්‍රශ්නයට පිළිතුරු දීමට මේ නෝනලා සමත් ද ?

ලංකාව සිංහල බෞද්ධ රාජ්‍යයක් නොවේ. නැවත කියමි, ලංකාව අවනත රාජ්‍යයකි.
෴

මේ අයගේ අභිප්‍රාය ඔබේ දරුවා අපයෝජනයෙන් ගලවා ගැනීම නොවේ. ඔබේ දරුවා වෙළෙඳ භාණ්ඩයක් කර LGBT සමාගම් වලට අළෙවි කිරීමයි. මේ ඝෝෂා කරන්නේ, ස්වාමින් වහන්සේලාට තග දමන්නේ LGBT ව්‍යාපාර වල මුදල් නොවන බවට සහතිකයක් දිය හැකි කෙනෙක් වෙත්ද ?

ඔබේ දරුවා රංජන් රාමනායක කෙනෙක් වනු දැක්ම, දැරිය පියුමි හංසමාලි කෙනෙක් නැතිනම් හිරුණිකා ප්‍රේමචන්ද්‍ර කෙනෙක් වනු දැක්ම ඔබේ අභිප්‍රාය නම් මෙවැනි දේට ඉඩ දී බලා සිටින්න. එසේ නැතිව, දරුවා අනාගතයේ ගුණ-යහපත් පවුලට හිතවත් හොඳ පියෙක් / මවක් බවට පත් වී පරම්පරාවේ හොඳ නම ගෙන යනු දැක්ම කැමති නම් මෙවැනි කුමන්ත්‍රණ වලට වචනයෙන් හෝ විරුද්ධ වන්න. ඔබ ගුරුවරයෙක්, ගුරුවරියක් නැතිනම් අධ්‍යාපන පරිපාලන නිලධාරියෙක් නම් මේවාට වඩාත් විරුද්ධ වන්න. එය අනාගත පරම්පරාව වෙනුවෙන් ඉටු කළ යුතු යුතුකමකටත් වඩා ඔබට වැටුප් ගෙවන සාමාන්‍ය (සිංහල බෞද්ධ/ කතෝලික / හිංදු / මුස්ලිම්) මිනිසුන්ගේ බදු මුදල් වලට සාධාරණය ඉටු කිරීමකි. අමාත්‍යංශ වල ඉහළ නිලධාරීන්ට මේවා වෙනුවෙන් සංතෝසම් ලැබුණත් සාමාන්‍ය ජනතාව වන ඔබට මේවායින් ලැබෙන පෞද්ගලික ප්‍රයෝජනයක් නැත.