මෙවැනි එක්තරා සාමින් කෙනෙක් අද දින (නැතිනම් ඊයේ රාත්‍රියේ) කෝවිද රෝගය වැළඳී අභාවයට පත් වූ බව දැන ගන්නට ලැබුනේ අපේ හිත මිතුරු අසල්වැසි පාර්ලිමේන්තු මන්ත්‍රී තුමෙකුගේ fb පණිවුඩයකිනි. ඒ මන්ත්‍රී තුමාට අර භික්‍ෂුව සටන් සගයෙකි - එසේ නොවේනම් අප මිතුරු මන්ත්‍රී තුමා අර භික්‍ෂුවගේ සටන් සගයෙකි.
අභාවයට පත් භන්තේ බද්දේගම සමිත සහෝදරයාට දෙතිස් කතාවේ විප්ලවීය ආචාරය !
෴
- පළමුවැන්න ගිහියෙක් වශයෙන් එසේ කිරීම යෝග්‍ය නැති වීමයි - සරලවම එවැනි භාරධූර කර්තව්‍යයකට අප සුදුසු නොවේ.
- දෙවැන්න භික්ෂූන් විවේචනය කිරීම ආරම්භ කළහොත් එය අවසන් කරන තැන සොයා ගැනීම අපහසු වීමයි - එක එක භික්ෂු චරිත ගෙන විවේචනය කරන්නට ගියහොත් අපේ පාංශුකූලය දෙන දිනයට කාසාව කන්ඨකයෙක්වත් ඉතුරු වන්නේ නැත.
- චීවරය දැරුවත් සමසමාජ කාරයෙක් වන මොහු බෞද්ධයෙක් යැයි මා සිතන්නේ නැත; ඔය දෙක එකට අදහන්නට හැකියාවක් නැති බැවිණි. මොහුගේ දේශපාලනය අප දන්නා කාලයේ සිට සිංහල විරෝධී එකක් විය. දෙමළ ෆැසිස්ට්වාදී ත්‍රස්තවාදීන් සමග සාකච්ඡා කර (ඉල්ලන දෙයක් දී) රටට ඊනියා සාමයක් ගෙන ඒම වෙනුවෙන් මොහු එළිපිට පෙනී සිටියා පමණක් නොව ක්‍රියාද කළේය. එය සිංහල භික්ෂුවක් විසින් කෙරේනම් පාරාජිකා වූවා හා සමානව සළකමි.
- මොහු ගැන කිව යුතු දෙවැන්න පාර්ලිමේන්තුව හා සම්බන්ධය. පාර්ලිමේන්තුවේ සාම්ප්‍රදායිකව පිළිගත් ඇඳුම් තිබේ. මතක අන්දමට මෑතක දී ත් එක්තරා මුස්ලිම් මන්ත්‍රී වරයෙක් ඇඳගෙන පැමිණි සරුවාලයක් වැනි ඇඳුම් ගැන මතභේදාත්මක තත්වයක් ඇති විය.
සමිත සහෝදරයා පාර්ලිමේන්තු මන්ත්‍රී වරයෙක් ලෙස දිවුරුම් දුන්නේ පිළිගත් ඇඳුම වූ ජාතික ඇඳුමින් හෝ සම්පූර්ණ යුරෝපිය ඇඳුමින් හෝ සැරසී නොවේ. ඔහු අරහත් ධජය පාර්ලිමේන්තුවට ගෙන ගිය අතර සම්බුද්ධ සාශන ඉතිහාසයේ පළමු වරට චීවරය ගිහියෙක් ඉදිරියේ (කතානායක) බාල්දු කළේය. ඔහු අනුගමනය කරමින් ඊළඟට පාර්ලිමේන්තු වැඩි හක්ගෙඩි රත්නය විසින් අරහත් ධජය පාපී මිනිසුන්ගේ පයට පෑගෙන පාවඩයක් බවට පත් වන්නට ඉඩ හැරීම වෙනම කතාවකි. එසේ වුවත් එහි මූලාරම්භකයා මේ අවසන් ගමන් ගිය සමිත සහෝදරයා ම ය. එයත් බෞද්ධයන් විසින් මොහුට බ්‍රහ්මඃ දණ්ඩය පැනවිය යුතුව තිබුණු අවස්ථාවකි.
අහෝ මා ඔබගේ මේ ලිපිය දුටුවේ දැනුයි.
ReplyDeleteමේ විප්ලවීය සටන්කරුවාගේ අභාවය පිළිබඳ මගේ මුහුණු පොතේ මිතුරන් බෙදාගෙන තිබූ පුවත් වල මා ප්‍රථිචාර දැක්වූයේද මේ වදන් කිහිපයෙනි.
"සමිත සහෝදරයාට මාගේ විප්ලවීය ආචාරය"