ඉහත උපුටා දැක්වූයේ අද දිවයින පුවත්පතේ මේ පිළිබඳව පල වූ පුවතක්. අප විසින් මේ කෙරෙන විග්‍රහයට පාදක කර ගන්නේ ඒ පුවතයි. ඊට අමතරව ජනාධිපති සිරිසේන විසින් මන්ත්‍රී වරුන්ට අනියමින් තර්ජනය කිරීම උදෙසා සංවිධානය කළ රැස්වීමකදී ප්‍රකාශ කළ අදහස් කීපයක් ද මෙතැනින් කියැවිය හැක.රනිල්ගේ යෝජනාව අර්බුද තුනකට හේතුවක්‌
කැෆේ අධ්‍යක්‍ෂ කියයි
චමින්ද සිල්වා
එජාප නායක අගමැති රනිල් වික්‍රමසිංහ මහතා විසින් කැබිනට්‌ මණ්‌ඩලයට ඉදිරිපත් කළ ඡන්ද කොට්‌ඨාස 125 ක් හා මන්ත්‍රී ධුර 225 ක් ඇතිකිරීමේ යෝජනාව ප්‍රධාන අර්බුද තුනක්‌ ඇතිවීමට හේතුවනු ඇතැයි කැෆේ සංවිධානයේ විධායක අධ්‍යක්‍ෂ කීර්ති තෙන්නකෝන් මහතා පවසයි.
එහිදී;එම අර්බුදයට හේතු වන බව ඒ මහතා කියා සිටී.
- කොට්‌ඨාස 125 කට සීමා නිර්ණය කිරීම සඳහා ඉතා විශාල කාලයක් අවශ්‍ය වීම,
- සුළු ජාතික නියෝජනය තහවුරු කිරීම සඳහා ප්‍රමාණවත් බහු ආසන ස්‌ථාපනය කළ නොහැකිවීම, සහ
- උතුරු - නැගෙනහිර පළාත්වල (වවුනියාව, සේරුවිල හා අම්පාර වැනි) සිංහල නියෝජනය සේම උතුරු නැගෙනහිරින් පිට දෙමළ මුස්‌ලිම් නියෝජනය කොට්‌ඨාස මට්‌ටමින් තහවුරු කළ නොහැකිවීම
පාර්ලිමේන්තුවේ මන්ත්‍රීධුර සංඛ්‍යාව 225 ක් ලෙස තබාගනිමින් සහ කේවල ඡන්ද කොට්‌ඨාස 125 කට සීමාකිරීම සුළු දේශපාලන පක්‍ෂ සඳහා ඇති ඉඩකඩ අහුරා දැමීමට හේතුවනු ඇත. මුස්‌ලිම් හා ඉන්දීය සම්භවයක්‌ සහිත දෙමළ ප්‍රජාවට ද, ජනතා විමුක්‌ති පෙරමුණ හා ජාතික හෙළ උරුමය වැනි දේශපාලන පක්‍ෂවලට ද මෙය ඉතා අහිතකර ලෙස බලපානු ඇතැයි ඒ මහතා වැඩිදුරටත් කියා සිටී.
