Preferred pronouns

මහාචාර්‍යය, ආචාර්‍ය, විශේෂඥ වෛද්‍ය,  ...

එදා ජනාධිපති ජයවර්ධන ප්‍රකාශ කළේ මේ ව්‍යවස්ථාව යටතේ ජනාධිපතිට බැරි ගෑණියෙක් පිරිමියෙක් කොරාන්ටයි පිරිමියෙක් ගෑණියෙක් කොරාන්ටයි ඉතරයි කියලාය. මීට අවුරුදු හතළිස් පහකට පෙර ඒ බැරි උනත් ඇමරිකාවේ සහ යුරෝපයේ දැන් දැන් එයත් සිදු වේ. සිදු වෙනවා පමණක් නොව ගෑණු බවට පත් වූ පිරිමි ගෑණු ක්‍රීඩා ඉසව් වලින් ජය කෙහෙළි නංවන පුවත් මැවේ. මේ වසරේ ප්‍රංශ ඔලිම්පික් උළෙලේ දී ආන්දෝලනයට ලක් වූ බොක්ෂින් ක්‍රීඩිකාවන් දෙදෙනා අප පාඨකයන්ට මතක ඇතැයි සිතමි.

ට්‍රම්ප් සමග නැගිටිමු

මා ඇමරිකානුවෙකු නොවේ. එපමණක් නොව ලෝක දේශපාලන සන්දර්භයේදී ඇමරිකා ක්‍රියා කලාපය ගැන පැහැදීමක් ද නැත.

එහෙත් ලංකාවේ බයියෙකු වන මට ඇමරිකාවේ බයියන්ගේ නායකයා වන ට්‍රම්ප්පච්චි ගේ මේ ජයගෙන එන්නේ ආශ්වාදයකි, ඔහුගේ ජය මග  අවුරන්නට ස්ථාපනය (the establishment) නොකළ දෙයක් නැත.

ලංකාවෙන් ගිය මා දන්නා හිටපු සිංහලයින් (දැන් ඇමරිකානුවන්) හැම දෙනාම පාහේ සහය දැක්වූයේ මොළේ මැරුණු, ඒ නිසා ගෙදර යතුරවත් බාර දෙන්නේ නැති, ලංකාවේ ටිල්වින් සිල්වා වැනි, බෛඩාන ජ්‍යෙෂ්ට පුරවැසි අපේක්‍ෂකයාටය. ඔහු තරඟයෙන් ඉවත් වූ පසු ඒ අය වඩා  උද්‍ය්යෝගයෙන් සහය දැක්වූයේ ඊටත් වඩා සිහියක් නැති, ලංකාවේ හරිනි අමරසිංහ වැනි, මළ හෝන්තුවක් වන කළු ජාතිකයෙක් ලෙස ළඟ දී self identify කර ගත් කමලා දේවි මහත්මියට ය.

පරාජිත අපගේ මිත්‍රයන්ට සාතිශය සංවේගය !

ඩොනල්ඩ් ට්‍රම්ප් සහ ඔහුගේ උප ජනාධිපති වෙන්ස් මහතා යටතේ ඇමරිකාව නැවත ආත්මාභිමානයක් ඇති රටක් වනවාට සැකයක් නැත. විලියම් ක්ලින්ටන් - බැරක් හුසේන් සහ ජොනතන් බෛදාන ආදීන් යටතේ පිළිකාවක් සේ ඇමරිකා දේශයේ ආත්මය තුලට කිඳා බැස ඇති සංස්ථාපන බූවල්ලාගේ අඬු සහ ඒවා පෝෂණය කරන මානව විරෝධී ස්වභාව විරෝධී විෂ මතවාද මුලිනුපුටා දැමීමට ඉදිරි වසර දෙක පුරා එක්සත් ජනපද වල කොංග්‍රසයේ මණ්ඩල දෙකේම බහුතර බලය ඇති ජනරජ පක්‍ෂයටත් ට්‍රම්ප්පච්චිටත් ශක්තිය ධෛර්‍යය ලැබේවා !!

අනුරනිල්

දිවංගත ආචාර්‍ය නලින් ද සිල්වා විසින් ඊනියා අරගලය හඳුන්වන ලද්දේ "පරගලය" නමිනි. ඒ එහි මහමොළකරුවන් පරදේශක්කාරයන් වන්නේය යන අර්ථයෙනි.

ඔහුට සැළකිය යුතු මට්ටමක සම්බන්ධතා තිබිණි. ඊටත් වඩා කිසියම් තනි තනි සිද්ධි ගෙන එකට අමුණා ඒවායේ රටාවක් දැකීමටත් ඒ රටාව උපයෝගී කරගෙන (රටාව පැහැදිළි කිරීම පිණිස) කතාවක් ගෙතීමටත් ඔහුට හැකියාවක් විය. එවැනි හැකියාවක් ඇති පුද්ගලයන්ගේ අභාවය - මරණය විසින් හෝ ස්වයං නිර්ණිත නිහඬ බව විසින් - වර්තමායේ රටේ අවාසනාවයි.
෴

රනිල් වික්‍රමසිංහයන් විසින් ජනතවි මුක්ති පෙරමුණ යන නමින් අවඥාවෙන් හැඳින්වුන පක්‍ෂය කෙරේ කිසියම් කලෙක අපට ලැදියාවක් තිබිණි. ඒ පක්‍ෂයේ පත් වූ පළමු අමාත්‍යවරුන්ගෙන් අතුරින් කෙනෙකුට සහ තවත් අයට මනාප ලකුණු කළ ඉතිහාසයක් අපට වෙයි. ඒ පාර්ලිමේන්තු කණ්ඩායම් නායක විමල් වීරවංශ කතා කරන දර්ශණ පෙළකට පහළින් සැකිළි (cartoon) බූරුවෙක් තප්පු ලන ආකාරය පුනර්රූපණය කරමින් ස්වකීය ජනමාධ්‍ය නිදහස සංකේතාත්මකව ප්‍රදර්ශණය කිරීමට සිරස රූපවාහිනිය කටයුතු කළ සමයයි.

එදා සිට අද දක්වා බොහෝ දේ වෙනස් වී තිබේ.
෴

"වහලුන්" විසින් වහල් හිමියා තෝරා ගැනීම

ශ්‍රී ලංකාවේ නව වන විධායක ජනාධිපතිවරයා තෝරා පත් කර ගන්නා වරණයේ ප්‍රතිඵල දැන් නිකුත් කෙරෙමින් පවතී.

මෙවර 3% කාටද ?

ඊයේ රාත්‍රියේ සිට මේ වන තෙක් නිකුත් කර ඇති ප්‍රතිඵල අනුව නිරීක්‍ෂණය වන්නේ 2019 වන විට 69 ලක්‍ෂයක් යැයි ලංකාවේ උ.බු. ඡන්ද දායකයින් සහ ඔවුන්ගේ නායක සහෝදරවරුන් විසින් ගණනය කර "වහලුන්" ලෙස නාමකරණය කර සිටි පොදුවේ "බයියන්" නමින් හැඳින්වූ අයවළුන් ස්වේච්චාවෙන් තමන්ගේ වහල් හිමියා ලෙස වෙනත් කෙනෙක් තෝරා ගැනීමට තීන්දු කර තිබෙන බවයි.

රූපාන්තරණය වූ ඒ වහලුන්ට දෙතිස් කතාවේ සුභාශිංසන !

කුමන්ත්‍රණ : ගෝඨාභය එළිදැක්වූ පොතෙන්

කුමන්ත්‍රණ යන වචනයේ සාඩම්බර හිමිකරුවා විමල් විරවංශ හිටපු අමාත්‍ය තුමාය. එය ඒ මහතා ජනතවි මුක්ති පෙරමුණේ ^{© 2005 Ranil Wickramasinghe} ප්‍රචාරක ලේකම් ධුරය දරන කාලයේ අත්පත් කර ගත් වත්කමකි. තමන්ට පැහැදිළි කළ නොහෙන යම්කිසි සංසිද්ධියක් - හේතු පැහැදිළි නැති සිදු වීමක් - අනුගාමිකයින්ට පැහැදිළි කිරීම පිණිස ඒ මහතා සහ ඒ මහතා ඒ කාලයේ නියෝජනය කළ සංවිධානය බොහෝ විට මේ වචනය යොදා ගත්තේ භෞතික විද්‍යාඥයන් "අඳුරු" යන වචනය යොදා ගන්නා අන්දමිනි.

විරවංශ මහතා නියෝජනය කළ ඒ සංවිධානය අර වචනය දැන් පාවිච්චි කරන්නේ නැතුවා පමණක් නොව, ඒ සංවිධානය ද අලුත් හැවකින් සැරසී සිටියි. දැන් ඒ අය ආශ්‍රය කරන්නේ නිර්ධන පංතිය නොවේ. මේ ගමන දළ වශයෙන් දශක එකහමාරකට වඩා පැරණි ය. විමල් විරවංශ කැඩී වෙන් වීම පළමු වරට එය එළිපිට දර්ශනය වූ අවස්ථාවයි. එදා සිට අද දක්වා අලුතින් ඡන්ද නාම ලේඛණයට එකතු වූ නම් කොපමණද, එම නාම ලේඛණයෙන් ඉවත් වූ නම් කොපමණද. මෙය අඩු වශයෙන් මිලියන තුනක් මිස ඊට අඩු වීමේ හැකියාවක් නැත.

මේ අදහස් ගොන්න අපට ආවේ හිටපු ජනාධිපති ගෝඨාභය නන්දසේන රාජපක්‍ෂ විසින් එළි දැක්වූ කුමන්ත්‍රණ පොත හේතු කොටගෙනය.

යට දැක්වෙන්නේ ඒ ග්‍රන්ථය එළි දැක්වීම අරභයා හේමන්ත රන්දුණු මහතා විසින් දිවයින පුවත්පතට සම්පාදනය කළ ලිපියකි.

2024

 

නව වසරේ ලැබූ ප්‍රථම ජය සාමකාමීව සමරන්න.

2023 ICC ලෝක කුසලානය - ii

2023 ICC ලෝක කුසලාන ක්‍රිකට් තරඟාවලියේ මූලික අදියරේ වට අටක් අද අවසාන විය. අද වන විට කණ්ඩායම් ශ්‍රේණිගත වී සිටින්නේ පහත අයුරිණි.

තරඟ වට 8 ක් අවසන කණ්ඩායම් පෙළ ගැස්ම

තව එක වටයක් පමණක් ඉතිරි වී තිබෙන මේ මොහොතේදී නිරීක්ෂණය කළ හැකි නිරීක්ෂණය වන්නේ කණ්ඩායම් තුනක් ස්ථිර වශයෙන්ම මීළඟ වටයට තේරී තිබෙන අයුරත්, තවත් කණ්ඩායම් සතරක් මීළඟ වටයට සුදුසුකම් ලැබීමේ බලාපොරොත්තු අහිමි කරගෙන සිටින බවත් ය. අවාසනාවට අප ශ්‍රී ලංකා කණ්ඩායම අයත් වන්නේ පසුව කී කණ්ඩායම් සතර අතරටය.

නවසීලන්තය, පාකිස්ථානය හා ඇෆ්ගනිස්ථානය යන කණ්ඩායම් තුනෙන් එකක්  පමණක් ඉදිරි දින කීපය තුල අවසන් පූර්ව වටයට සුදුසුකම් ලබනු ඇත.

2023 ICC ලෝක කුසලානය

මෙවර ICC ක්‍රිකට් ලෝක කුසලාන තරඟාවලිය අප අසල්වැසි භාරතයේ නගර දහයක දී පැවැත්වේ. ඇෆ්ගනිස්ථානය, ඔස්ට්‍රේලියාව, බංග්ලාදේශය, එංගලන්තය, ඉන්දියාව, නෙදර්ලන්තය, නවසීලන්තය, පාකිස්ථානය, දකුණු අප්‍රිකාව සහ ලංකාව මේ තරඟාවලියේ මූලික වටයේදී එකිනෙකා හමු වනු ඇති අතර එක තරඟයකට දෙක බැගින් වෙන් කෙරෙන ප්‍රසාද ලකුණු වැඩිම ප්‍රමාණයක් එක්රැස් කර ගන්නා වූ, ප්‍රසාද ලකුණු සම වූ අවස්ථාවක වැඩිම ජයග්‍රහණ ප්‍රමාණයක් ලබා ගත්තා වූ, එයත් සම වූ අවස්ථාවක දළ ලකුණු වේගය මත පදනම් වූ ශ්‍රේණිගත කිරීම අනුව ඉහලින්ම වැජඹෙන කණ්ඩායම් සතර අවසන් පුර්ව වටය සඳහා සුදුසුකම් ලබනු ඇත.

අවසන් පුර්ව තරඟ දෙක ජයග්‍රහණය කරන පිල් දෙක අතර අවසන් මහා තරඟය පැවැත්වෙයි. ලකුණු සම වන අවස්ථාවක සුපිරි පන්දු වාර ක්‍රමය යොදා ගැනේ.෴