අපේක්‍ෂාවේ අපේක්ෂකයාවශයෙන් වර්තමාන ජනතා විමුක්ති පෙරමුණ™ විසින් එහි නායක අනුර කුමාර දිසානායක සහෝදරයා මහතාව උණුසුම් සහෝදරත්වයෙන් ප්‍රකාශයට පත් කරන්නට යෙදිණ.
මෙහිදී ඒ මහතා විසින් ප්‍රකාශ කරන්නට යෙදුණේ
ඔබ මා කෙරේ තිබෙන විශ්වාසය බැඳීම අබමල් රොනකින්වත් හානියට බඳුන් වෙන්ට ඉඩ නොදෙන බව සහතික කරනවාවශයෙනි. තමන් හා තමන් සහය දක්වන කණ්ඩායම් විසින් මෙතෙක් කරන ලද දේශපාලනය
ඉතාමත් කැත පිළුණු වූ ගඳ ගසන එකක් බවප්රකාශ කළ ඒ මහතා තමන්
පිරිසිදු මහජනයාට ලෙංගතු අවංක දේශපාලන පොරපිටියක් නිර්මාණය කරන බව සපථ කරප්රකාශ කර සිටි මුත් තමන් එසේ කරන්නේ මන්ද යන වගත්, එය කරන්නේ කෙසේද යන වගත් විස්තර නොකිරීමට ද ප්‍රවේශම් විය. නොකෙරෙන වෙද කම බැවින් ක්‍රමවේදය අදාළ නැති බව සිතුවාද ?
෴
ජාතික ජන බලවේගය යනු දේශපාලන පක්‍ෂයක් නොවේ - එය අනුර කුමාර විසින් මෙහෙයවන මිතුරු සංසදයකි. අනුර කුමාර මෙහෙයවෙනු ලබන්නේ කොල්ලුපිටියෙනි (තානාපති කාර්‍යාල වලින් සහ අරලිය ගහ මන්දිරයෙනි). ජාතික ජන බලවේගය තමන්ගේ අපේක්‍ෂකයා නම් කිරීම පොදුජන පෙරමුණ (පොහොට්ටුව) විසින් තමන්ගේ අපේක්‍ෂකයා නම් කිරීම හා සංසන්දනය කිරීම නුණුවන කමකි, නුණුවන දනන්ට නම් එය වැදගත් දෙයක් ලෙස පෙනිය හැක. ජනාධිපතිවරණයක් ප්‍රකාශයට පත් කළහොත් පොහොට්ටුව විසින් අප්‍රමාදව ගෝඨාභය වෙනුවෙන් නාම යෝජනා බාර දෙනු ඇත. ජාතික ජන බලවේගය එවැන්නක් කරනු නැත.
අපගේ තක්සේරුව නම් එක්සත් ජාතික පක්‍ෂයෙන් සජිත් ප්‍රේමදාස ඉදිරිපත් වුවහොත් මෙකී ජාතික ජන බලවේගයේ අපේක්‍ෂකයා වෙනුවෙන් ජනතා විමුක්ති පෙරමුණ නාම යෝජනා බාර දෙනු ඇති බවයි. ඒ පක්‍ෂයෙන් කරුණාරත්න ජයසූරිය ඉදිරිපත් වුවහොත් මේ ඊනියා අපේක්‍ෂකයා ඔහුට සහාය දක්වනු ඇත. ඔක්තෝබර මාසයේ අගමැති කමින් අස් කරලත් අරලිය ගහ මන්දිරය දමා නොගොස් දිවා රෑ ගෙවලයෙක් සේ එහි රැඳී සිටි රනිල් වික්‍රමසිංහනම් මේ කපේදී ජනාධිපතිවරණයට ඉල්ලන්නේ නැත.
෴
කෙසේ වුව, මේ සියල්ල සිදු වීමට නම් ජනාධිපතිවරණයක් කැඳවිය යුතුව තිබේ. පළාත් පාලන ඡන්දය දින නියමයක් නැතුව කල් දැමූ (එය තවම පවත්වා අවසන් නැත), පළාත් සභා මැතිවරණය දින නියමයක් නැතුව කල් දැමූ, පාර්ලිමේන්තු මැතිවරණය දින නියමයක් නැතුව කල් දැමීමට සහ ජනාධිපතිවරණය අහෝසි කිරීමට 20 වැනි සංශෝධනය නම් මරාලයක් ගෙන ආ මේ අශුද්ධ සංධානය විසින් මේ වසරේ දී ජනාධිපතිවරණය පවත්වාවි යැයි සහතිකයක් නැත.
අපට තිබෙන්නේ මැතිවරණ පැවැත්වීමෙන් තමාගේ අයිතිවාසිකම් කඩ වී යැයි උසාවි යන මැතිවරණ කොමිසමකි, එසේම මැතිවරණ පැවැත්වීමෙන් ඒ අයගේ අයිතිවාසිකම් කඩ වන බවට තීන්දු කළ අධිකරණයකි. උසාවියේම පැවරූ නඩුවක් හේතුවෙන් නොවන්නට අර කොටසක් පමණක් පැවැත්වූ පළාත් පාලන මැතිවරණය ද ජනතාවට අහිමි වනු ඇත. එවැනි තත්වයක පොහොට්ටුව විසින් ජනාධිපති අපේක්‍ෂකයෙක් නම් කිරීම ජනාධිපතිවරණයක් දිනා ගැනීම වෙනුවෙන් ගත් ඉදිරි පියවරකි. මහජන ඉල්ලුම අඩුව යා නම් හූලේ ඇතුළු මේ හාදයන් එක් වී ජනාධිපතිවරණයත් දින නියමයක් නොමැතිව කල් දමනු ඇත. දේශප්‍රිය විසින් මෙතෙක් නොතිබි ප්‍රජාතන්ත්‍ර-ප්‍රේමයක් මවාගෙන, දින නියමයක් නොමැතිව කල් දමා තිබූ, පළාත් සභා මැතිවරණ පැවැත්වීමට තකහනියේ උත්සාහ කිරීම දෙස අප බලන්නේ මේ සන්ධර්භයේ සිටය.
මේ අල්ලපනල්ලේ ජාතික ජන බලවේගය නම් අටවා ගත් කණ්ඩායමක් විසින් වික්‍රමසිංහගේ ප්‍රවේනි දාසයා ජනාධිපති අපේක්‍ෂකයා ලෙස නම් කිරීම මගින් ගම්‍ය කරන්නේ ජනාධිපතිවරණය කල් දමා ගැනීමේ උත්සාහය අඩාල වී ඇති බවද ? නැතිනම් එක්සත් ජාතික පක්‍ෂය තුල ඇති නායකත්ව බල අර්බුදය කෙරේ ඇති ජනතා අවධානය අඩු කර ගැනීමද ?
෴
අපේක්‍ෂාවේ අපේක්‍ෂකයා ගැන සාමාන්‍ය ජනයා තුල ඇති අපේක්‍ෂාවේ තරම වැටී ඇති කොමෙන්ට් ගණනින් පෙනේ. අහෝ දුකකි ඉරකි තිතකි.
ReplyDeleteමුලතිව් මහේත්‍රාත්ට විරුද්ධව නීති පියවර ගන්න පුළුවන්ද?
ReplyDeleteමිනිහා පැහැදිලිවම දෙමළ ජාතිවාදියෙක්.
ඌ හිටියොත් සිංහල බෞද්ධයන්ට පාඩුයි.