හිලේරියස් ට්‍රම්පට්

ජනමත සමික්‍ෂණ වලින් කියවුණේ හිලරි ක්ලින්ටන් දිනන බවය. ජනමාධ්‍ය වලට ඇගෙන් තොර අනාගත ඇමරිකාවක් නොවීය. සුප්‍රකට නිවුස්වීක් සඟරාව ඇගේ රුව මුල් පිට කවරයට යෙදූ සඟරා දහස් ගණනක් මුද්‍රණය කර බෙදා හරින ලද බවට අන්තර්ජාල කටකතා පැතිරුණේ එහෙයිණි.

ජනාධිපති නෝනා

ඇමරිකාවේ පමණක් නොව ලොව පුරාම බලවත් පාර්ෂව බලාපොරොත්තු වූයේ හිලරිගේ ජයග්‍රහණයයි. ලංකාවේද මේ තත්වයේ වෙනසක් නොවීය.

ශ්‍රී බුද්ධ වර්ෂ 2560 ක් වූ ඉල් පුර පසළොස්වක නම් තිථිය ලත් සඳු දින ෴

විශේෂයෙන්ම හිලරි ක්ලින්ටන් රාජ්‍ය ලේකම් ධුරය දරන සමයටත් පෙර ඈ නාම යෝජනා සඳහා බරක් හුසේන් හා තරඟ වදින සමයේත් ඊට පෙරත් ඈ හා සමග සිටි දෙමළ වර්ගවාදී කොටස් තුල මේ විශ්වාසය දැඩිව පැවතිණි. එහි ප්‍රතිඵලයක් වශයෙන් දෙමළ මන්ත්‍රී වරයෙක් විසින් යාපනයේදී හිලරිට ජය පතා පොල් ගෙඩි දහස් ගණනක් ගැසීමේ පූජාවක් ද පවත්වන ලදී. හිලරි දිනුවානම් එක රැයින් උතුරට එක්සත් ජාතීන්ගේ ලේබලය යටතේ හමුදාවක් ගොඩ බස්වා දෙමළ ඊළම සාදා ගැනීම ගැන මේ අයියලා හීනෙනුත් දකින්නට ඇත.

එහෙත් අවාසනාවට ඇමරිකානු බයියන් විසින් ලංකා ටොයියන්ගේ හාම්පුතාලාගේ මේ බලාපොරොත්තුව සුන් කර දමන ලද්දේ අමු-අමුවේම ය. කම්පාවට පත් වූ හිලරි, හිලේරියස් තත්වයට පත් වූයේ සාමාන්‍යයෙන් කෙරෙන ජයග්‍රාහකයාට සුභ පැතීමේ කතාව පැවැත්වීම පමා කිරීම නිසාය. ලංකාවේ අයියලාට සිදු වූයේ ඊට වඩා අකරතැබ්බයකි.

පොල් ගසා හිලේරියස් තත්වයට පත් වූ මේ අයියලාට දැන් ට්‍රම්ප පසුපස ට්‍රම්පට් ගසමින් යාමට සිදු වී ඇත. දෙතිස් කතාව මේ ගීතය ඉදිරිපත් කරන්නේ ඒ අයියලා වෙනුවෙනි.

Oh my darling, Clementine

In a cavern, in a canyon,
Excavating for a mine,
Dwelt a miner, forty-niner,
And his daughter Clementine.

Oh my darling, oh my darling,
Oh my darling Clementine
You are lost and gone forever,
Dreadful sorry, Clementine.

Light she was, and like a fairy,
And her shoes were number nine,
Herring boxes without topses,
Sandals were for Clementine.

Walking lightly as a fairy,
Though her shoes were number nine,
Sometimes tripping, lightly skipping,
Lovely girl, my Clementine.

Drove she ducklings to the water
Ev'ry morning just at nine,
Hit her foot against a splinter,
Fell into the foaming brine.

Ruby lips above the water,
Blowing bubbles soft and fine,
But alas, I was no swimmer,
Neither was my Clementine.

In a churchyard near the canyon,
Where the myrtle doth entwine,
There grow rosies and some posies,
Fertilized by Clementine.

Then, the miner, forty-niner,
Soon began to fret and pine,
Thought he oughter join his daughter,
So he's now with Clementine.

I'm so lonely, lost without her,
Wish I'd had a fishing line,
Which I might have cast about her,
Might have saved my Clementine.

In my dreams she still doth haunt me,
Robed in garments soaked with brine,
Then she rises from the waters,
And I kiss my Clementine.

ඉහත දැක්වුණේ සම්පූර්ණ ගීයම නොවේ. ඇමරිකාව විසින් කැලිෆෝනියාව ඈඳා ගැනීමෙන් අනතුරුව එහි රන් හමු වීමෙන් ඇති වුණු ගෝල්ඩ් රෂ් නම් කලබගෑනිය පසුබිම් කරගත් මේ ගීය ජන ගීයකි, එහි බොහෝ අනුවාද පවතී. පහත දැක්වෙන අනුවාදයේ අපට වඩා වැදගත් කොටස තිබේ.

Listen fellers, heed the warning
Of this tragic tale of mine,
Artificial respiration
Could have saved my Clementine.

How I missed her, how I missed her,
How I missed my Clementine,
Til I kissed her little sister,
And forgot my Clementine.

ක්ලේමන්ටයින් වෙත පෙම් බැඳගෙන රැයක් දවාලක් නැතිව හීනෙනුත් දොඩවමින් ගැහෙමින් හූ කියමින් පොල් ගසමින් සිටි අයියලාගේ ඒ පිස්සුව හොඳ වීමට අවශ්‍ය වන්නේ ක්ලේමන්ටයින්ගේ නංගි විසින් දෙන එක හාදුවක් පමණකි.

ක්ලින්ටන් නෝනා පසුපස පිස්සුවෙන් යමින් සිටි අපේ අයියලා දැන් ඩොනල්ඩ් ට්‍රම්ප් නංගි පසුපස ට්‍රම්පට් ගසමින් ඇදෙන සැටි දකින අපට තවත් හිලේරියස් ය. ඔවුන්ට හොඳ නිමිත්තක් ද තිබේ, සිරිකොතේ ලියන්නෙක් විසින් එය පසුගිය දිනෙක බ්ලොග් අඩවියක ඉදිරිපත් කර තිබෙණු දිටිමි. (දළ වශයෙන්) ඩොනල්ඩ් ට්‍රම්ප් ගේ පක්‍ෂයේ ලංකා නියෝජනය කවර පක්‍ෂයක් විසින් කරන්නේ දැයි සොයා බලන ලෙස ඔහු ලියා තිබිණි.

ඩොනල්ඩ් ට්‍රම්ප් පමණක් නොව හිලරි ක්ලින්ටන්ගේ පක්‍ෂය ද උන්ගේය. අපට කීමට ඇත්තේ උඹේ නම් උඹ ගනිං කියා පමණි. හේතුව ඇමරිකානු ජනාධිපති ක්‍රියා කරන්නේ ඇමරිකානු අභිලාශ වෙනුවෙන් මිස අපේ අයියලා මෙන් තමන්ට පංති දමා ආණ්ඩු පෙරළීමට මුදල් දී ආධාර කරන විදේශ රටවල් වල අභිලාශ වෙනුවෙන් නොවන බැවිණි.

ඇමරිකාවේ මොන ජොකා ජනාධිපති උනත් ඇමරිකාව ලංකාවේ මිත්‍රයෙක් වන්නේවත්, අපට හතරමහා නිධානය පහල වන්නේවත් නැත. සිංහලයාට නම් විශේෂ සෙතක් අත් වන්නේම නැත. සිදු විය හැකි එකම සෙත නම්, ලිබියාවේ "වසන්තය" සෑදූ හිලරි ක්ලින්ටන්ගෙන් ඒ වසන්තය ලංකාවට නොලැබෙන බවට වන බලාපොරොත්තුව පමණි.

තමන් අනුන්ගේ සීනි කිරන්න යන්නේ නැතැයි කියූ ට්‍රම්ප් දැන් ඇමරිකාවේ ජනාධිපති ධුරයට තේරී පත් වී සිටී, එහෙත් අපේ කරුමෙට අපි හදාගෙන තිබෙන ආණ්ඩුව සීනි අරං කිරා ගැනීම පිණිස ඉන්දියාවටත් ඇමරිකාවටත් යුරෝපා සංගමයටත් වරින් වර දුවන එකකි.

මෙච්චර දෙනවනම් ඔන්නොහෙ ! කියා ට්‍රම්ප්ට සිතුණොත් අපට පුදුමයක් නැත.

ආශ්‍රිත ලිපි:

• http://ingeb.org/songs/inacaver.html
• http://genius.com/Traditional-oh-my-darling-clementine-lyrics