සරසවිගතවීම සහ ආරණ්‍යගතවීම

වැඩි කතාවක් ඕනේ නෑ, අද දෙතිස් කතාවේ පල වෙන්නේ කතාවක්වත් නොවන නිසා. විස්තර කරන්න ගියෝතින් මේ මුලු ලිපියම පලක් නෑ. ඒ නිසා කෙළින්ම කාරණේට බහිමු. පහත දැක්වෙන රචනය සරසවි සිසුවෙකුගේ බව පමණක් මෙහිලා සඳහන් කරමු.

ජිවිතාවබෝධය

ශ්‍රී බුද්ධ වර්ෂ 2558 ක් වූ බිනර අව සතවක නම් තිථිය ලත් සඳු දින ෴

ආරණ්‍යගත වීම

බල්ලාගේ සහ පූසාගේ
වෙනස් කම් දකින අප
මුලු දිවිය පුරාම
වෙනස්කම් සොයන්නෙමු
එය මහා උගත් කමක් ලෙස දකින්නෙමු

නමුත්

බල්ලාගේ, පූසාගේ
පමණක් නොව
තමන්ගේද,
ලෝකයේද (පෘතුවිය යන පටු අර්ථයෙන් නොව ලෝකය යැයි පැවසූ විට සියල්ල එහි අන්තර්ගත බව සිතිය යුතුයි.)
සමානකම:

ඔබ නුදුටුවේද:

    අනිත්‍යතාවයි !

මා අනිත්‍ය වූ කල එය ඔබ මම ලෙස
ගැනීම යුතුද ? අනිත්‍ය නම් දුක
මිස වෙන කුමක් එහි වේද ?

මේ සියල්ල පැවසුවේ
සරසවි ගතවීම ජයක් ලෙසත්,
ආරණ්‍ය ගතවීම මෝඩ කමකැයි සිතා,
ආරණ්‍යගතවන සරසවි සිසුනට

    ගරහන,
    කරුණු පහදන,
    බණින,

ඔබට සිතීමටයි.

ඔබට ඔහුට පහදා දීමට කිසිවක් නැත...
ඔහුට ජිවිතාවබෝධයට නිදහස දෙන්න.........