Thursday, July 12, 2012

රක්‍ෂනේ

මේක ඇමරිකන් කතාවක්. ඇමරිකන් කාරයෝ විනෝදෙට බිලී පිත්තක් එහෙම අරගෙන මාළු ඉන්න වතුරකට දාගෙන ඉන්නවා. සමහර සල්ලි කාරයෝ බෝට්ටු එහෙමත් අරන් ඕක කරනවා. ඒකට කියන්නේ ෆිෂින්, සිංහලෙන් නම් කියන්නේ මාළු අල්ලනවා කියලා.

ඔන්න ඔය වගේ ඇමරිකන් කාරයෝ තුන් දෙනෙක් එක දවසක් බහාමාස් පැත්තේදී මුණ ගැහුනලු. බහාමාස් කියන්නේ බටහිර ඉන්දීය කොදෙව් වලින් එකක්, නිකං ජැමෙයිකාව වගේ, ඊට පොඩියි. මේ සුද්දෝ තුන් දෙනාත් අපේ අයියලා වගේ තමයි, කඩ්ඩෙන් තමයි කතාව. මුන් තුන් දෙනා සට සට ගාල කඩුව වන වන ආගිය තොරතුරු කතා කරන්න පටන් ගත්තලු.

ටික වෙලාවකින් පළවෙනි සුද්දා කියනවලු, "මට මාර සීන් එක උනේ. මගේ ගේ ගිනි ගත්තනේ, ඔක්කොම නැති උනා. එත් සෙලින්කෝ එකෙන් ඔක්කොම ගෙව්වා. ඒ නිසා ඔන්න මං මෙහේ".

දෙවෙනි සුද්දා කියනවලු, "දෙයියනේ මටත් ඔය වගේම දෙයක් උනේ, මගේ ගෙදර ගෑස් කාන්දුවක් වෙලා පිපිරුනානේ. හොඳ වෙලාවට ගෙදර කට්ටිය එලියට ගිහිං හිටියේ. හම්බ කරපු සබ්බ සකල මනාවම  නැති උනා. මුලින් කල්පනා කරලා ගේ  රක්‍ෂණය කරලා තිබුණ නිසා ගොඩ ගියා. ඉතිං ඒ සල්ලිත් අරං මෙන්න මම මෙහේ. හිඃ හිඃ හිඃ !"

තුන් වෙනි එකාටත් කට වහං ඉන්න හිත දෙන්නෙම නෑ වගේ. ඌත් කියනවනලු, "අයිසේ, මේකනම් පුදුම අහම්බයක්, හැබැයි අපිටනම් ආවේ ලොකු ගංවතුරක්, ජිවිත විතරයි ඉතුරු උනේ. රක්‍ෂනෙන් වන්දි ගෙවපු නිසා ඒ සල්ලිත් එකතු කරගෙන අපිත් මෙහේ ආවා නිවාඩුවට." කියලා.

අරුන් දෙන්න පුදුම වේලා ඇස් ලොකු කරන් මේ හාදයා දිහා බලන් ඉන්නවලු.

"ඉතිං කොහොමද ඕයි තමුසේ ගංවතුරක් ඇති කළේ !!!"

No comments:

ශ්‍රී ලංකාවේ සත් වන විධායක ජනාධිපති නන්දසේන ගෝඨාභය රාජපක්‍ෂ මහතා අද (ඉල් අව සතවක දා) උදෑසන සර්වඥයන් වහන්සේගේ ද්‍රෝණයක් ශාරීරික ධාතූන් වහන්සේලා වැඩ සිටින අනුරාධපුර රුවන්වැලි මහා සෑ රදුන් අභියස සම්බුද්ධ පා පහසින් පවිත්‍ර වූ ජය භූමියේ සිට ජනාධිපතිධුරයේ ප්‍රතිඥා දීමෙන් අනතුරුව ජාතිය අමතා කළ ප්‍රකාශය.


එතුමාට දෙතිස් කතාවේ උණුසුම් සුභ පැතුම් !
තෙරුවන් සරණින් සියළුම දෙවි රැකවරණින් සියලු කටයුතු සාර්ථක වේවා !